Төреғали мен Фарида Германияда бейнебаян түсірді (видео)
Әнші Төреғали Төреәлі мен Фарида Жолдасова “Қыдырып қайтайық” атты әнді бірге орындап жүрген болатын. Енді міне қос әнші гастрөлдік сапарларын пайдаланып, аталған әнге бейнебаян да түсіріп үлгерген екен.
Фото: instagram.com/aigan_zholdasova/?hl=ru
Бұл туралы Stan.kz хабарлайды.
Жуырда Ұлықпан Жолдасов отбасымен және Төреғали Төреәлімен бірге Германияға гастрөлдік сапармен аттанған болатын. Әншілер аталған өлкеде тұрып жатқан қазақтарға арнап ән салған.
Мұнымен қатар, Төреғали Төреәлі мен Фарида Жолдасова саяхаттары кезінде “Қыдырып қайтайық” атты әнге бейнебаян түсіріп үлгерген.
“Туған жердің қадірін өзге елге барғанда бұрынғыдан да қаттырақ біледі екенсің. Біз де Кельнге барғанымызда елімізді сағынып үлгердік. Қалта телефонымызға кішігірім бейнебаян да түсірдік.
Бұл кәсіби мамандардың туындысы емес, өз қолымызбен түсірілген видеолар жиынтығынан құралған дүние. Сондықтан сөгіп, жамандамаңыздар. Тек сіздер ән тыңдаған кезде әдемі көріністердің куәсі болсын деген ниеттен туындаған ой.
Арнайы дайындық болмады. Ауа-райы да біз күткеннен салқын болды. Сондықтан киімдерін сынап, ренжімегейсіздер”, – дейді Фарида Жолдасованың менеджері Жамал Садырбай.
Телефонға түсірілген туынды көпшіліктің көңілінен шыққан сыңайлы. Олар жылы лебіздерін білдіріп, Фарида Жолдасованың мінезі өзгергенін айтқан.
Жіберіп алмаңыздар:
Қоянбаевтан кешірім сұраған Төреғали сын астында қалды (видео)
Желі қолданушылары Төреғалидің фотосессия кезінде мас болғанын айтты (фото, видео)