Соңғы жаңалықтар
Соңғы жаңалықтар

Тоқтар Төлешев билікті күшпен басып алуға дайындық жұмыстарын жүргізген

Қамауға алынған ірі кәсіпкер Тоқтар Төлешев билікті күшпен басып алуға дайындық жұмыстарын жүргізді. Бұл туралы бүгін ҚР Бас прокуратурасында өткен брифингте ҚР Ұлттық қауіпсіздік комитеті баспасөз қызметінің өкілі Руслан Карасев мәлім етті.

20160606124945

«Тергеумен Төлешевтің бұрын билікті күшпен басып алуға дайындық жұмыстарын жүргізгендігі, ал өткен жылдан бері белсенді нақты әрекеттер қолданғандығы жөнінде толық мәліметтер алынған. Оның әрекет жоспарында қауырттылық ошақтарын құру арқылы елдегі жағдайды тұрақсыздандыру, наразылық акцияларын және жаппай тәртіпсіздіктерді ұйымдастыру, оның аясында балама үкіметті қалыптастыруды жоспарлау және әрекет етуші билік құрылымын өзгерту қарастырылған»,-деді Руслан Карасев.

Бұған дейін Төлешовтың арнайы операция арқылы ұсталанын, оның зауытын күзеткен азаматтардың ереуілге шыққанын, оның әйгілі сыра зауыты сатуға қойылғанын хабарлаған едік. ҰҚК: Төлешовтың жер реформасына қарсы наразылық шарасын қаржыландырғанын да мәлімдеген.

Талқылау