The Jigits тобы алғашқы бейнебаяндарын Лондонда түсірді
The Jigits тобы алғаш рет өздерінің «STOP» әніне түсірілген бейнебаянының түсаукесерін Қазақстанда өткізеді.
Бұл туралы Stan.kz хабарлайды.
Мәскеу сахнасын бағындыруға кеткен The Jigits тобын қазақстандықтар да бұрынғыдай сүйіп тыңдайды. Өздерінің алғашқы туындыларының тұсаукесерін бойз-бенд Алматы қаласында өткізуді ұйғарыпты.
Аталған шараның қонақтары Music-Cola, Ділназ Ахмадиева, Айқын, Мақпал Исабекова, Али Оқапов, Лидо және Ademi болады деп күтілуде. Ал бейнебаян 4 наурыз күні ТМД телеарналарынан көрсетілетін болады.
Аталған туындының режиссері, операторы әрі авторы – Лондондағы Central Saint Martins университетінің түлегі, A’STUDIO тобының көшбасшысы Байғали Серкебаевтың қызы Сана Серкебаева.
Аталған бейнебаянды 2015 жылы Лондонда түсірген. Бейнебаянның форматын Instagram желісінде 14 бөлікке бөлінген 15 секундтық роликтерден білуге болады.
“Бір кездері A’STUDIO тобының мүшелері бейнебаян түсірген жерлерді аралау арқылы ерекше әсерге бөлендік”, – дейді Лондон қаласын аралаған жігіттер.
Видео опубликовано The JIGITS (@the_jigits)
«STOP» бейнебаянының желісі аты айтып тұрғандай өте қарапайым. Өзінде мұң мен үміт сынды сезімдерді үйлестірген әрі соңы әдеттегідей “хэппи эндпен” аяқталады.
Видео опубликовано The JIGITS (@the_jigits)
“Видео өте ерекше болып шықты! Ол қазір түсіріліп жатқан дүниелерден мүлде бөлек. Британиялық ұстамдылық пен қарбаластың жоқтығы, Гайд саябағындағы велосипедтер, Темза жағалауының көрінісі – осының барлығы Битлз заманына деген сағыныш”, – деп аталған топтың продюсері Байғали Серкебаев халықты ерекше туынды күтетіндігін айтты.