Илон Маск қазақстандағы “жүзгіш” Tesla туралы ойымен бөлісті (видео)
17 маусымда шалшық жолды қиындықпен өткерген Tesla Model S автокөлігін айдаған жүргізушінің видеосы пайда болды. Ролик Алматыда қатты жаңбыр жауып, су тасқыны орын алған сәтте түсірілген.
Бейнежазбаны интернетке электромобиль жүргізушінің досы Санжар Алтаев жариялаған.
“Алматыда бүгін қатты жаңбыр жауды. Бүкіл жолдар суға толды. Көптеген автокөліктердің қозғалтқыштары сынып қалды”, – деп жазды ол.
Тек Tesla жүргізушісіне бәрібір. Өйткені электромобилде қозғалтқыш болмайды. Карбюратор, радиатор, ауа тартқыш жоқ. Тек электромотор бар.
Қазақстанды Ресеймен шатастырған Батыс БАҚ-тарында да бұл ролик кең таралып кетті. Олар су кез-келген жағдайда механика болсын, электроника болсын барлығына бірдей кері әсер ететінін жазған.
Еlectrek.co басылымының “жүзгіш” Tesla туралы ақпаратын Tesla Motors бас директоры Элон Маск те байқапты. Ол өзінің твиттерінде Model S-тің қысқа уақыт ішінде “қайыққа” айналып кетсе де, компания мұндай оқиғаның орын алмағанын қаламайтынын айтыпты.