Теміртау музейі қолдан жасалған ойыншықтар қабылдап жатыр
Теміртау мұражайы жаңажылдық шыршаға ілінетін ойыншықтардың дағдарыс жағдайындағы байқауын жариялады. Яғни олар тұрғындардан дүкеннен алынған емес, қолдан жасалған немесе жылдар бойы сақталған ойыншықтарды қабылдап жатыр.
Байқау жарияланысымен Жаңа жыл мерекесі десе ішкен асын жерге қоятын 300-ден аса тұрғын қолына іліккенін алып осында жеткенге ұқсайды. Әкелінген бұйымдар саны бүгінде 500-ге таяған. Тіпті бір адамның өзі, қолдан жасағаны мен сандықтан тапқаны бар, ұзын саны 46 ойыншық әкеп тапсырыпты. Олардың ең көнесіне 70 жыл болған. Бергісі шыршаны әсемдендіретін шарлар және киізден, пластмассадан немес тоқылып жасалған ойыншықтардың сан түрі. Көрмедегілер бұл шыршаны жабдықтаудың дағдарыс кезіндегі ең тиімді тәсілі дейді. Ойыншыққа ақша шығарып керегі жоқ, тәрбиелік мәні де бар екен.
«Бірнеше отбасы өздерінің жылдан жылға жинап, 60-шы жылдардан бері жинап келе жатқан ойыншықтарын көрсетіп, осы экспозияицяға қатысып жатыр. Жеңімпаздарды дауыс беру бойынша анықтаймыз. Қортындысын 15 қаңтарда жасаймыз», -дейді оқиғаға қатысты өз ойын білдірген Теміртау қалалық мұражайының қызметкері Әлия Әлекеева.