Тәжікстанда адам тегін орысшалауға тыйым салынған ақпаратты теріске шығарды

Тәжікстанның азаматтық хал актілерін тіркеу басқармасының орынбасары Джалолиддин Рахимов ел билігінің орысшаға аяқталатын аты-жөндерге тыйым салу туралы хабарламаны теріске шығарды.

Оның айтуынша, заң бойынша баланың тегі туылғанда мемлекеттік тіркеуде әкесінің не анасының тегімен жазылады.

Ол орысша аяқталатын тектерге тікелей тыйым салынбағанын айтты. Сондай-ақ, «тарихи құндылықтарды негізге ала отырып, тәжік мәдениетіне тән есімдерді қоюға тыйым жоқ екенін де атап өтті.

Бұған дейін Тәжікстанда «-ов», «-ова», «-ович» және «-овна» деп орысшаға аяқталатын тектерге тыйым салынатыны, оларды тәжікше «зод», «зода», «ӣ», «иён» және «фар» деп өзгерту керектігі жарияланған болатын. Ол халық саны мен патриоттықтың белгісі деп саналған еді.