Таразда Құран түрінде салынған жаңа мешіт ашылды
Таразда облыс орталығындағы исламның рухани ошағы қатарына жаңа мешіт қосылды.
Қаланың орталық бөлігінде, «Қарахан кесенесі» ежелгі тарих ескерткішінің маңында салынған мешіт Қазақ хандығының 550 жылдығына әзірлік барысында құрылған «Қарахан аллеясы» сәулеттік кешенімен сәтті үйлесім тапты. Ғимараттың қасбеттік бөлігін сәулетшілер бірегей – ашылған Құран кітабы түрінде айшықтаған.
Қазақстан мұсылмандары Діни басқармасының өкілі, Һибатулла Тарази мешітінің бас имамы Данияр Жұмабаевтың айтуынша, қазіргі кезде бүкіл Қазақстандағы сияқты жамбыл өңірінде де исламның рухани ошағының өсуі үрдісі байқалады.
«Қасиетті Құранды оқып-үйрену, ислам мәселесінде білімді күшейту мұсылмандар үшін шынайы исламды жалған ағымдардан айырып, рухани білім алуға, діни ғұрыптарды дұрыс атқаруға жол ашады», – деді Тараз орталық мешітінің бас имамы.
Облыстық дін істері басқармасының мәліметтеріне қарағанда, бүгінде өңірде 326 діни бірлестіктер мен филиалдар өз жұмысын жүзеге асыруда.
Шамамен 270 мың жамбылдық мұсылмандар ханафи мазһабының сүнниттік жолын ұстанады.
Жамбыл облысының халқы 1, 107 млн. адамды құрайды.
