Тапқан адамға 5000 теңге: Босанатын күнін болжаған Ақбота-Нұр елден сөз естіді

Айжан Байзақова босанатын күнін дәл тапқан адамға сый беретінін айтып, желіні шулатқан еді. Атышулы блогердің “эстафетасын” әнші Ақбота-Нұр Сейітмағамбет жалғады. Ол екінші сәбиін босанар күнді дәл тапқан адамға 5000 теңге беруге уәде етті, деп жазады Stan.kz.

“Алла бұйырған күні ботақаныммен қауышамын. Достар, менің босану күнімді дәл тапқан жанға 5000 баланс сыйға! Ал, кеттік”, – деп жазды Ақбота желідегі парақшасында.

Алайда Ақботаның бұл бастамасы көпшілікке ұнамай қалды. Желідегілер босанатын күнін болжаған әншіні қатаң сынға алды.

“Босануды болжамайды, бұйыртқан күні бәрі болады. Ал сендер отырып алып, қызықсыңдар. Ел-жұрт қайдан білсін сендердің қашан жатып, қашан тұрғандарыңды. Қызықсыңдар”, – деп жазды оқырмандардың бірі.

“Ақбота, сен өзің білесің ба не босанатын күніңді, неге олай асылық айтасың? Құдайдың бір бұйырған күні болар, жаның қалсын, мына ісіңді құптамаймын”, – деп жазды екіншісі.

Үшінші бір топ Ақбота-Нұрды Байзақовадан үлгі алды деп сөкті.

Әйтсе де, Сейітмағамбеттің дәл осы посты желіде 11 мыңнан аса пікір жинаған. Оқырмандар арасында өз нұсқаларын ұсынып, жеңуге ниет білдіргендер қарасы көп болып шықты.

Қазақстандық жұлдыздардың өмірі жайлы t.me/kzshow арнамыздан оқыңыздар.