Танымал жігіттердің туған қарындастары: Кімнің қарындасы ең сұлу? (фото)
Өнерде жүрген азаматтардың жеке өмірі, отбасы қашан да елге қызық. Stan.kz назарларыңызға шоу-бизнестегі танымал серілердің әпкелері мен қарындастары туралы мәлімет ұсынады. Сіздің ойыңызша, кімнің бауыры ең сұлу?
Төреғали Төреәлі ата-әжесінің еркесі болғанымен, ата-анасының тұңғышы. Әлихановтар отбасында Төреғалиден кейін Фариза мен Дина есімді қос ару дүниеге келген. Бүгінде Фариза – ағасының қолғабысы, шығармашылық жолындағы көмекшісі.
Ернар Айдар отбасы мен жеке өмірі туралы көп айта бермейді. Халықтың бір білетіні, әншінің продюсері – өз ағасы Талғат. Сондай-ақ, желіде Ернардың қарындасы Жазирамен түскен суреті бар.
Димаш Құдайберген де бір үйдің тұңғышы. Әншінің өзінен кейін Раушан есімді қарындасы мен Мансұр есімді бауыры бар. Раушан Құдайбергенова – Ақтөбедегі Назарбаев зияткерлік мектебінде оқиды.
Естеріңізде болса, Қазақстан халықтарының бірлігі күні Димаш қарындасымен бірге елбасының алдында ән шырқаған болатын.
Ағайынды Артур және Асылхан Төлеповтердің жалғыз қарындасы бар.
Желіде Айдопи есімімен танымал бойжеткеннің жасы 21-де. Айдопидің Назиманың әніне салған пародиясы әлі де жұрттың есінде.
Сері жігіт Тәуекел Мүсілім шағын ғана отбасында дүниеге келген. Ата-анасы жастай ажырасып кеткен, ал отбасында Тәуекел мен әпкесі ғана бар. Актер жігіт жиен інісіне қарайласып тұратынын талай мәрте айтқан болатын.
Арман Қоңырбаевтың да бір әпкесі бар. Аша Матай қайын әпкесі Әйгерім Қоңырбаеваның суреттерін жиі жариялап, оны қуанышты күндерімен құттықтап тұрады.
Еркін Нұржановтың Жәнел есімді қарындасын халық біледі. Ол да өнерден құр алақан емес. Осыдан бірер жыл бұрын ағасымен бірге сахнаға шығып, “Ағатайым”, “Әке-ана” сынды әндерін ел назарына ұсынған. Сондай-ақ, жеке репертуарында біршама әндер мен бір бейнебаяны бар.
Нұржан Керменбаевтың Қымбат есімді әпкесі бар. Әкесінен айырылған соң Нұржан анасы мен әпкесімен бірге қалған. Кап-карашка ара-тұра әпкесінің бизнесіне жарнама жасап тұрады.
Қазақстандық жұлдыздардың өмірі жайлы t.me/kzshow арнамыздан оқыңыздар.