Танымал әнші Рио олимпиадасына арнап ән шығарды (видео)
Бүгін Рио олимпиадасының алауы тұтануына небәрі 11 тәулік ғана қалды. Енді санаулы күннен кейін әлем назары Бразилияға ауады.
Фото: s00.yaplakal.com
Осыған орай америкалық әйгілі әнші Кэти Перри ХХХІ жазғы ойынға арнап ән шығарды.
Кэти Перри “Грэмми” сыйлығын бірнеше мәрте иегері. Оның Рио олимпиадасына арналған “Rise” (Өрлеу) әні он күннің ішінде Youtube-та 21 миллионнан астам көрермен жинап, рекорд жасаған.
Мәліметтерге сүйенсек, бұл ән Рио ойындары кезінде америкалық NBC Sport арнасының ресми әні болмақ. Ал фанаттар бұл әуенді Рио олимпиадасының бейресми әнұраны ретінде қабылдаған.
Естеріңізге сала кетейік, Рио-де-Жанейро олимпиадасы тамыздың 5-21 аралығында өтеді.
Талқылау