Танымал актер бейіт басында концерт қойған ұйымдастырушыларды сынға алды

Ел арасында Шімән апа атанып кеткен актер Ерболат Төлеген Ақтөбеге қарасты Шалқар өңірінде, бейіт басында концерт ұйымдастырған ұйымдастырушыларға ренішін жеткізді. Ол аталған жерде ата-әжесі мен әкесінің жерленгенін айтып ашынды.

Ерболат Төлеген

Бұл туралы ол Instagram-дағы парақшасында жазған, деп хабарлайды Stan.kz ақпараттық агенттігі.

“Құрметті жерлестер, той құтты болсын! Ақтөбе облысы, Шалқар ауданында дүбірлі той болып жатыр дейді, тойларыңыз тойға ұлассын, әкімшіліктегі ағалар. Мен туып өскен өңірде “шұғыла Шалқарым” деген атпен республикалық жерлестер форумы болып жатыр екен. Бірақ осы Шалқардан шыққан нағыз жерлестер – Лидия Кәденова, Байеділ Наурызов, Жанар Айжанова, Есен Елеукен, Бауыржан Ордин, Асxат Тарғын, Жаңабай Өтегенов секілді өнер азаматтарын шақырмаған екен. Осы кешке келген өнер иелерінің Шалқардан екенін бірінші рет естідім.

Жерлестер форумы деген аты болмаса, бірде-бір жерлесті көріп тұрғаным жоқ. Ол аздай, гала концерт Шалқарда бейіттің қасында өтіп жатыр дейді. Бұл не сұмдық? Әкімшілік пен ұйымдастырушылар тарапы қайда қарап отыр? Мен мұны неге айтып отырмын, естуімше тұрғындар наразылық танытуда. Сол жерде туылып, өсіп-өнген мен де (қазір Алматыда тұрсам да) қарсымын. Себебі сол қорымда менің атам, әжем және әкем жатыр. Шалқар үшін тер төккен қаншама ата-бабаларымыз жерленген. Марқұмдардың жатқан жерлері жайлы болсын. Дегенмен, өлгендердің басына барып концерт қойған өрескел қате. Алла сақтасын. Басқа жерлер бар ғой концерт қоятын. Мысалы бұрынғы номері 39 ші қазіргі 5ші мектепке қарама қарсы стадионға жасаса болады ғой.Бұған көп ақылдың қажеті де жоқ, кішкене сананы қосса болғаны”, – деп наразылығын білдірді ол.

Айта кетейік, Ақтөбе облысы, Шалқар ауданында жерлестер форумы өтуде. Жергілікті тұрғындар форум аясында Қазақстан жұлдыздарының қатысуымен өтетін концерт бейіт басында ұйымдастырылған деп шуласуда.

Тағы оқыңыз: 

Айсәуле Бақытбек күйеу жігітін ресми түрде жақындарымен таныстырды

Ерке Есмахан жаңа бейнебаяндағы имиджін сынағандарға: Образдың “көкесін” фильмнен көресіздер

Қыздарының қырқынан шығару рәсімін қарапайым етіп өткізген Бүркіт пен Аиша жұртты тәнті етті (фото, видео)

Қарақат Әбілдина босанғаннан кейін дене сымбатын қалай қалыпқа келтіріп алғанын айтты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
19.06.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар