Танымал актер айтыскер ақын Бибігүлге “Қайраттың” матчы кезінде ұсыныс жасады (фото, видео)
Танымал актер, тележүргізуші Нұрсұлтан Есжан Алматының орталық стадионында өткен “Қайрат” пен “Тараз” командалары арасындағы матчтың үзілісінде өз сүйіктісіне ұсыныс жасады.
Актердің таңдауы айтыскер ақын қыз Бибігүл Тілеболдинова болып шықты. Бибігүл – өнер сүйер қауымды уытты тіл, әдемі әуенімен тамсандырып келе жатқан талантты ақын.
Ол әсіресе, Алматының мың жылдығы мен “Хабар” арнасындағы “Жұлдыздар айтысады” жобасында кеңінен танымал болған еді.
Ал Нұрсұлтан көптеген фильмдегі рөлдерімен және НТК телеарнасындағы “Ревю” бағдарламасының тізгіншісі ретінде қалың көпшіліктің сүйіктісіне айналып үлгерген.
Актердің ұсынысы туралы қыз алдын ала білмеген. Керемет сәт Қайрат-Тараз матчының үзілісі кезінде орын алыпты.
“Қайратқа жанкүйер болайын деп, футбол көруге барып едім негiзi, не болып кеткенін түсінбей қалдық шыны керек. Футбол жайына қалды. Алланың жазғаны шығар, шүкір бақыттымын. Барлық жора-жолдастарымызға алғысым шексіз!” – деп жазды Бибігүл әлеуметтік желідегі парақшасына.
“Өмiрдегi ең маңызды қадамдардың бiрiн жасадым. Қолдау көрсетіп келген бауырларыма мың алғыс!” деп жазды Нұрсұлтан Инстаграмдағы парақшасында.
“Қайраттың” жұлдызды жанкүйерлері әзірге нақты той күні туралы айтпады. Ал махаббат мелодрамасымен әспеттелген матч 3:1 есебімен “Қайраттың” пайдасына шешілді.