Талғат Мұсабаев Авиация комитетіне тағы шүйлікті

Бейсенбі, 12 Қазан , 2017 21:46

Сенатор аталған ведомстводан авиакомпанияларға сертификат беру және тексеру қызметін мүлдем тартып алу қажет деп отыр, – деп хабарлайды КТК арнасы.

Айтуынша, ұшақтар мен ұшқыштардың көкке көтерілуіне рұқсат беру мен қауіпсіздікті қадағалау ісімен бөлек мекеме айналысуы қажет.

“Әлемдік тәжірибеге сүйенсек, авиакомпаниряларға сертификат беретін ұйым мен оны тексеретін мекеме бөлек. Әрине, менің бұл ұсынысыма көп адам қарсы болады. Өйткені, ешкім біреудің қатаң қадағалауында болғысы келмейді. Ал жаңадан құрылатын  мемлекеттік авиациялық бақылау органынан бәрі аяқ тартуы тиіс”, – дейді Сенат депутаты Талғат Мұсабаев.

Қазір еліміздегі әуе компаниялар мен ұшқыштарға сертификат беретін де, олардың жұмысын тексеретін де Азаматтық авиация комитеті. Мұсабаев  Үкіметтен осы қос қызметті Инвестициялар және даму министрлігінен  ажыратып, бөлек ұйым құруды талап етті. Ал жаңа мекеме ешбір министрлікке бағынышты болмауы тиіс. Және азаматтық ғана емес, ведомствалық, мемлекеттік авиацияны да уысында ұстайды. Сонда  қауіпсіздік те күшейеді дейді депутат. Ал соңғы кезде әуе апаттарының жиілеп кетуіне дәл осындай жеке және тәуелсіз қадағалаудың болмауы себеп екен. Сондай-ақ, сенаторлар жанармай тапшылығына  қатысты Мәжілістегі әріптестерінің ұсынысын қолдап, бүгін премьерге тағы сауал жолдады.  Жоғары палата депутаттары да Елбасы тапсырғандай төртінші мұнай өңдеу зауытының салынбауына не себеп екенін сұрап отыр.

“Жанар май тапшылығын жоюға байланысты мемлекеттік деңгейде жүйелі негіздегі шешімдер неге қарастырылмайды? Елбасының жаңа мұнай өңдеу зауытын салу жөніндегі тапсырмасының осы уақытқа дейін орындалмау себебі неде? Ел тұрғындарын жанар май өнімдерімен толық қамтамасыз ету үшін Үкімет тарапынан қолға алынған шаралар мен алдағы жоспарлар туралы ақпарат берсеңіз”, – дейді Сенат депутаты Сәрсенбай Еңсегенов.


Жіберіп алмаңыз:

Алматы облысында жұрт саяжайға ауыл мәртебесін беруді талап етті

Парамен ұсталған Атбасар әкімінің ісіне лауазымды полицейдің қатысы бар болып шықты

Мұратхан Тоқмәди келісімге келіп, жазасын жеңілдетіп алды

Қазақстанда ипотекаға үй алу үшін қандай тиімді бағдарламалар бар?

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
14.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар