Соңғы жаңалықтар
Соңғы жаңалықтар

Талғат Ешенқұлов білім және ғылым вице-министрі қызметінен босатылды

ҚР білім және ғылым вице-министрі Талғат Ешенқұлов қызметінен босатылды. Ол Білім және ғылым саласындағы бақылау комитетінің басшысы қызметіне келді, деп хабарлайды ҚР премьер-министрінің баспасөз қызметіне сілтеме жасап Stan.kz.

Талғат Ешенқұлов

«Білім және ғылым министрінің бұйрығымен Талғат Ешенқұлов ҚР БҒМ Білім және ғылым саласындағы бақылау комитетінің төрағасы лауазымына тағайындалды», – делінеді хабарламада.

Талғат Ешенқұлов 1978 жылы Жамбыл облысында дүниеге келген. 1999 жылы М. Х. Дулати атындағы Тараз мемлекеттік университетін, 2000 жылы — «Қайнар» университетін, 2010 жылы — ҚР Президенті жанындағы Мемлекеттік басқару академиясын тәмамдаған. Экономист, заңгер, мемлекеттік және жергілікті басқару докторы (PhD).

Еңбек жолын 1997 жылы бастаған. Жамбыл облысы Әділет басқармасында, Қаржы министрлігінде, Білім және ғылым министрлігінде, Жоғарғы Кеңесте, Қоршаған ортаны қорғау министрлігінде, ҚР Есеп комитетінде әртүрлі лауазымдарды атқарған.

Stan.kz сайтын Telegram арқылы оқыңыз. Арнамызға жазылыңыз.

Талқылау