Талдықорғанда әскери ұшақтың апатына кінәлі деп танылған ұшқыштар босап шықты

Талдықорғанда қос бірдей әскери ұшқыш бостандыққа шықты,-деп жазды КТК арнасы.

Бұған дейін олардың бірі 3 жылға, ал екіншісі 4 жылға сотталған болатын. Енді Радик Әшімов пен Әділбек Ысқақов, шартты түрде жазасын өтейді.

Ал, жыл басында бірінен соң бірі бас бостандығынан айырылған ұшқыштарды тергеу изоляторының алдынан туған-туысқандары қарсы алды.

Менің тарапымнан берілген шағым арызды апелляциялық коллегия қанағаттандырмай тастады. Бірақ, ең бастысы бостандықта, отбасымның ортасындамын.

Өкініштісі, енді ұшақтың штурвалына отыруға рұқсат жоқ. Себебі, көк аспан менің екінші үйім болатын.»,-дейді Талдықорған әуе базасының бұрынғы ұшқышы Радик Әшімов.

31 жастағы Радик Әшімов ақпанда 3 жылға сотталған еді. СУ-27 ұшағын тізгіндеген ол оқу-жаттығу кезінде әуе кемесін шассисіз қара жерге қондырды.

Қатты зақымданған ұшақ әлі күнге дейін жөндеуде тұр. Техникалық ақауға қарамастан аман-есен жерге қонған ұшқышты  әріптестері алғашында арқасынан қақса, кейін сот күтпеген шешім шығарған болатын.

Алайда, жазасы шартты түрге ауысқан Әшімов өзін кінәлімін деп есептемейді. Ал, оның ізін ала Әділбек Ысқақов та тергеу изоляторынан бостандыққа жіберілді. 2016 жылы ол мінген СУ-27 әскери ұшақ апатқа ұшырап, өзі секіріп кеткен.

Алғашында әуе кемесін елді мекенге құлаудан сақтап қалдым деп, қаһарман атанған Ысқақовтың, кейін бар өтірігі әшкереленген.

Тергеу барысында әскери қызметкердің орталыққа өтірік ақпар бергені, яғни, ұшақта жеткілікті керосиннің болмағаны анықталды. Бірақ, енді шартты түрде жазасын өтейтін ұшқыш, қандай да бір түсінік беруден бас бартты.

Оқи отырыңыз:

Балиева: Әжесі баланың зорланғаны жөнінде 2 жыл бұрын арызданды

Жылама, айналайын: ШҚО әкімі су тасқынынан зардап шеккендерге қолдау көрсетті (видео)

Сені қатты жақсы көрдім: Жүкті әйелдің күйеуіне жазған хаты жұртты жылатты

Үш баланы өрттен құтқарып қалған семейлік студент жасаған ерлігі үшін марапатталды

 

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
21.10.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар