Табысынан тұрақты түрде салық төлеп тұратын отандық әншілер

Сәрсенбі, 2 Қараша , 2016 13:00

Республика бойынша жалпы бюджетке концерттік қызметпен айналысатын тұлғалардан 2015 жылы 520 788 581 теңге, ал 2016 жылы 470 775 047 теңге түсті.

20161102125138

Бұл туралы Қазақпарат хабарлайды.

Агенттіктің ресми сауалына жауап берген ҚР Қаржы министрлігінің Мемлекеттік кірістер комитеті ақпаратына сәйкес, қазіргі уақытта ақпараттық жүйелер мәліметтерінде концерттік қызметпен, сондай-ақ демалыс және ойын-сауықты ұйымдастыру бойынша басқа қызмет түрлерімен айналысатын 4 921 жеке тұлға және 2 029 заңды тұлға тіркелген.

Ал республика бойынша жалпы бюджетке концерттік қызметпен айналысатын тұлғалардан 2015 жылы  520 788 581 теңге, 2016 жылы  470 775 047 теңге түсім түскен. Алайда, жеке әншілердің 1 жылда төлеген салықтарының көлемін анықтау мүмкін болмай отыр. Оған себеп «Салық және бюджетке төленетін басқа да міндетті төлемдер туралы» Қазақстан Республикасы Кодексінің 557-бабына сәйкес банктер және банк операцияларының жекелеген түрлерін жүзеге асыратын ұйымдар табыс еткен мәліметтер салық құпиясы болып саналады екен.

«Шоу-бизнес жұлдыздары шоғырланған Алматы қаласында өнер салысында және концерттік кызмет көрсететін 656 салық төлеуші тіркелген. Оның  443-і – жеке кәсіпкер, 213-сі – заңды тұлғалар. Тұрақты түрде салық төлеп тұратын өнер қызметкерлері ретінде Айқын Төлепберген, Алмас Кішкенбаев және Дәуіт Шайхисламовты атап өтуге болады. Бұл жұлдыздар екі жыл бойы салық мөлшерін түсірмей, уақытылы төлеп келеді. 2016 жылы олардың қатарына Бахтияр Мамедов (Jah Khalib) қосылды. Астанада салық төлеуші ретінде Ерлан Көкеевті, Жания Журинскаяны және Қайрат Баекеновты айтуға болады», – дейді комитеттен.

Сонымен қатар жақында ғана  Айбек Джансеитов, яғни Бүркіт, Дильназ Ахмадиева және Әли Оқапов салық төлеуші ретінде тіркелген.

«Өткен жылы ең көп мөлшерде салық төлеген өнер жұлдыздарын атап өткеніміз орынды. Олар: Роза Рымбаева, Дәуіт Шайхисламов және Лидия Досалина (Лидо). Ал осы жылы бюджетке ең көп салық төлеген жұлдыздардың арасынан Бахтияр Мамедов (Jah Khalib), Дәуіт Шайхисламов пен Айқын Төлепбергенді атап өтуге болады. Аталған белгілі тұлғалардың ерікті түрде өз табыстарын көрсетіп, салық төлеу үрдісі бойынша өздерінің басқа әріптестеріне үлгі болады деген сенімдеміз», – делінген ресми жауапта.

Жіберіп алмаңыз:

Назарбаев: Төрт көлігі барлар біреуінің құнын берсін

Кореядағы секс-құлдықтан құтылған қазақ қызы сол жердегі отандастарының атынан көмек сұрады

Мемлекеттік қызметте «13-жалақы» мен мерекелік сыйақыларды алып тастайды

170 мың доллар тауып алған алматылық жалғызбасты әкенің әңгімесі

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев

Пікір қалдыру


Анонимно
1 ай 3 күні кері

Салық төлеп тұратын әншілердің концертінен қалмау керек. Ал салық төлемейтіндердің концертіне барып қажеті жоқ. Осылай әншілерді тәртіпке салу қажет.

wpDiscuz
Орташа айырбас бағамы
06.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар