Түркияда жанкешті әйел өзін жарып жіберді
Түркияның солтүстік-батысындағы Бурса қаласындағы жарылысты жанкешті-лаңкес әйел жасаған болуы мүмкін.
Сурет newsru.com
Бұл туралы ҚазАқпарат хабарлайды.
Полиция жарылыс болған жердегі сыртқы бақылау камераларының жазбаларын зерттеді. Агенттік онда бомба 25 жастағы әйелдің сөмкесінде болуы мүмкін екендігі көрінген, деп хабарлады. Әзірге билік бұл мәселе жөнінде ресми мәлімдеме жасаған жоқ. Тергеу шаралары жалғасуда.
Жарылыс салдарынан 10-нан астам адам жараланды, оқиға орнынан әйел адамның денесі табылды. Зардап шеккендердің бәрі ауруханаға жеткізілді.
Полиция оқиға болған ауданды және оның маңайындағы автожолды әлі толық жауып отыр. Қалада автомашиналарды тексеру және күдікті адамдарды тінту жүргізілуде.
Талқылау