Түркияда автобус ішінде ұмыт қалып кеткен 3 жасар бала көз жұмды
Түркияда мектеп автобусының жүргізушісі балабақша балаларды алып келіп, көлік салонында үш жасар Альперен Сакинді ұмытып кеткен. Оқиға Измир қаласында болыпты.
Фото: ©Flickr/Matt Perreault
Бұл туралы Hürriyet Daily News хабарлайды.
Баланы бірнеше сағат өткен соң ес-түссіз күйінде жатқан жерінен тауып алады. Оны ауруханаға жеткізгенімен, өмірін құтқарып қалу мүмкін болмаған. Дәрігерлердің сөзінше, баланы медициналық мекемеге жеткізген кезде ол қайтыс болып кеткен.
Ал баланың әкесінің айтуынша, балабақша қызметкерлері бала түскі асқа оянбай қойды деп шындықты жасыруға тырысыпты.
“Оқиға 18:30 кезінде болды, ол кезде ешкім түскі ас ішпейді”, – дейді әкесі. Ал Альперен болса сырты жабылған ыстық автобустың ішінде 9 сағат бойы сусыз, тамақсыз қалып кеткен.
Кейін тәртіп сақшылары қоғамдық көлік жүргізушісін қамауға алды.
Оқи отырыңыз:
Барселонада теракт болып, 18 елдің азаматтары зардап шекті
Қынадан сақ болыңыз: Татуировка жасатқан қыздың ата-анасы жұртқа жан айқайын жеткізді