Түркістанда күннен қуат алатын көлік құрастырылды

Түркістанда электрокар құрастырылды. Күннен қуат алып зулайтын жаңа көлік қазірдің өзінде қала көшелерінде жүр. Бұл туралы КТК арнасы хабарлады.

Автомобильдің жаңа түрін жергілікті ұстаз студенттерімен бірге жинап шыққан. Қазірдің өзінде 8 данасы бар. Әсіресе, соңғысы күткендегідей шықты. Онда “жаз-қыс” режиміндегі желдеткіш, аудиожүйе және артты бақылайтын камера қойылған. Әрине, жылдамдық жағынан кәдімгі көліктерге жеңіліп қалғанымен, сағатына 130 шақырымды еркін жүре алады.

Көліктің аккумуляторы 130 шақырым жүргеннен кейін әлсіреп қалады. Сондықтан, тоқтап оны қайта қуаттап алуға тура келеді. Күнмен немесе жақын маңдағы электр қуатымен қайта күшейтіп алуға болады. Құрастырушылар бұл электромобильдің қанша тұратынын әлі нақты есептеп шықпапты.

“Көлікті 4 айда жинап шықтық. Біз оны тар әрі нық тұратын етіп жасадық. Бұл тұраққа қойған кезде өте ыңғайлы”, – дейді Ферхан Чайыр.