Түркістан облысында бес баланың дүниеге келгені туралы ақпарат жалған боп шықты

Түркістан облысында 30 жастағы әйелдің бес баланы дүниеге әкелгені туралы ақпарат жалған боп шықты.

Жексенбі күні желіде бес нәрестенің сурет тарап, олардың Түркістан облысында дүниеге келгені айтылған еді. Мұндай мәліметті отандық танымалдар да желідегі парақшасында жариялап жатты, деп хабарлайды Sputnik Қазақстанға сілтеме жасап Stan.kz.

Алайда облыстық денсаулық сақтау басқармасындағылар мұндай ақпаратты жоққа шығарды.

«Біздің облыста бес баланың дүниеге келгені туралы ақпарат жалған екенін ресми түрде хабарлаймыз. Егер мұндай қуанышты жайт орын алса, денсаулық сақтау басқармасы бұл туралы мәлімдейтін еді», – дейді ведомствоның баспасөз хатшысы Мира Мүслім.

Stan.kz сайтын Telegram арқылы оқыңыз. Арнамызға жазылыңыз.