Сыртқы келбетін өзгертіп жіберген Дима Билан тыңдармандарын шошытты (фото)
Дима Билан әлеуметтік желідегі парақшасында жаңа суреттерін жариялап, тыңдармандарын таңғалдырды.
Танымал әнші шашын тықырлап алдырып тастаған. Әншінің көптеген фанаттары оның бұл қылығына таң-тамаша қалып отыр. Көпшілігі шашын алып тастауы оның ауруымен байланысты деп ойлайтындарын айтқан.
Ал бірқатары әнші біреумен бәстескен болуы мүмкін дейді. Әйтседе, әншінің өзі бұл жағдайға байланысты ешқандай пікір айтпапты.
Бірақ, “Комсомольская правда” басылымына сұхбат берген әншінің продюсері Яна Рудковская Диманың жаңа жобаға байланысты сыртқы келбетін осылай өзгерткенін мәлімдеген.
Әншіге жақында ғана дәрігерлер – үш омыртқа жарығы деген диагноз қойған. Осылайша жұлдыз тез арада операция үстеліне жатуы тиіс еді. Бірақ, ол бұл жағдайдан бас тартқан. Есесіне, екі апталық демалыс алып, концерттері мен түсірілімдерінен кешікпеудің амалын қарастырып жатқан көрінеді.