Сыртқы істер министрлігі Қырғызстанға жауап нотасын жолдады

Сәрсенбі, 20 Қыркүйек , 2017 21:18

Қырғыз Республикасының Уақытша сенімді өкіліне қазақстандық тараптың жауап нотасы табыс етілді,-деп жазды  Қазақстан жаңалықтары.

министр

2017 жылғы 20 қыркүйекте Қазақстан Республикасының Сыртқы істер министрлігіне Қырғыз Республикасының уақытша сенімді өкілі шақырылып, оған Қырғызстан СІМ-нің таңертеңгі мәлімдемесіне байланысты қазақстандық тараптың жауап нотасы табыс етілді, деп хабарлайды ҚР Сыртқы істер министрлігі.

“…Қазақстандық тарап ү.ж. 19 қыркүйекте Алматы қаласында Қазақстан Республикасының президенті  Назарбаевтың Қырғыз Республикасының президенттігіне үміткер кандидаттардың бірімен болған кездесуіне орай Қырғыз Республикасының Сыртқы істер министрлігінің әрекетіне қатты таңданыс білдіреді.

Мемлекет басшысының әртүрлі елдердің көрнекті саяси қайраткерлерімен және саяси партиялардың басшыларымен олардың өтініші бойынша кездесулері тұрақты түрде өткізіліп тұрады және халықаралық тәжірибеге толық сәйкес келеді. Бұл ретте, мұндай іс-шаралар ашық, транспарентті сипатта өтіп, бұқаралық ақпарат құралдарында кеңінен жарияланады.

Мәселен, ү.ж. 14 тамызда Астанада Мемлекет басшысы Қырғыз Республикасының президенттігіне кандидаттардың бірі, бұрынғы Премьер-Министр С. Жээнбековпен осындай екіжақты кездесу өткізді.

Оған қоса, Мемлекет басшысының тұжырымдарын Қырғыз Республикасы Сыртқы істер министрлігінің бұрыс түсіндіруіне түсінбестік білдіреміз. Аталған кездесулер барысында Қазақстан Республикасының президенті Қырғыз Республикасы президенттігіне қандай да бір нақты үміткердің пайдасына қолдау білдірген жоқ. Оның үстіне Астана және Алматы қалаларында қырғыз өкілдерімен келіссөздер барысында Мемлекет басшысы бауырлас қырғыз халқы сенім білдіріп, сайлайтын Қырғыз Республикасының кез келген Президентімен тиімді өзара іс-қимыл жасауға дайын екенін айтты.

Осыған байланысты Қырғыз Республикасының ішкі ісіне араласуға және ел халқының таңдауына ықпал ету әрекетіне қатысты Қырғыз тарапының ойдан шығарылған тұжырымдарын табанды түрде жоққа шығарамыз.

Қырғыз Республикасы Сыртқы істер министрлігінің мұндай әрекеті Қазақстандық тарап адалдық танытатын, екі халық арасындағы дәстүрлі бауырластық қатынастарға және Қазақстан Республикасы мен Қырғыз Республикасы арасындағы одақтық қарым-қатынастар туралы шартқа түбегейлі қайшы келеді деп санаймыз..”, — делінген жауап нотасында.

Оқи отырыңыз:

Женевада сантехниктер кәріз құдығынан 10 мың евро тауып алды

Рохинджа мұсылмандары адам төзгісіз жағдайда өмір сүріп жатыр

Әйел балаларының демалысын бұзбау үшін 10 күн бойы құрсағында өлі сәбиді көтеріп жүрген

Ресейлік әйел шамаданға жасырынып Түрік шекарасынан өтпекші болды (видео)

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
11.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар