Суға батқан мұсылман әйел бөтен ер адамның көмегін қабылдамай қойды
Керала штатында орын алған бұл оқиға қазіргі кезде үнді баспасөзінде қызу талқыға түсіп жатыр. Велосипедке жұбайын мінгестіріп алған мұсылман жігіті өзен жағасында келіп жатып рөлді игере алмай қалады.
Кішігірім жол апатынан жігіт қатты соққы алып, жұбайы өзенге құлап түскен. Болған жайтты көргендер бірден көмекке ұмтылған. Алайда, өзен ортасында қалған мұсылман әйелі олардың созған қолдарын кері қайтарып, оны күйеуі құтқарып алуы тиістігін айтып айқайлай бастаған. Өзеннің онша терең еместігін байқаған ол көмекке келгендердің үгіттеріне де көнбеген көрінеді. Өміріне айтарлықтай қауіп төніп тұрмағанын аңғарған соң күйеуі келгенше солай тұра беретінін де кесіп айтқан, деп хабарлайды Muslim.kz.
Осылайша, өзен ортасында қалса да өзге еркекке қолымды да ұстатпаймын деп шешімін білдірген ол күйеуінің жаралы екенін естігеннен кейін ғана құтқарушылардың көмектесуіне қарсылық танытпаған.
Үнді баспасөзі бұл оқиғаны іліп әкетіп, жел қаулаған өрттей дуылдатып жатқан көрінеді. Дегенмен, оқиға куәгер болған жергілікті колледж профессоры өзеннің ол құлаған тұсы терең еметігін әрі әйелдің суға кету қаупі болмағандығын айтады.
Жіберіп алмаңыз:
Әйелдердің қолын алудан бас тартқан мұсылман жұмыстан қуылды
Канн жағажайында мұсылман әйелдерінің “буркини” купальнигін киюіне тыйым салынды