Ақтау туралы үкімнің күші жойылды: "СҚ-Фармацияның" бұрынғы басшысы Берік Шәріп үш жарым жылға сотталды
"СҚ-Фармацияның" бұрынғы басшысы Берік Шәріп үш жарым жылға түрмеге қамалды. Сондай-ақ, мемлекеттік қызметте жұмыс істеу құқығынан өмір бойына айырылды, деп хабарлайды Stan.kz ақпарат агенттігі.
Апелляциялық сот алқасы бірінші сатыдағы соттың шешімінің күшін жойып, жаңа үкім шығарды. Берік Шәріпті екі бап бойынша кінәлі деп тапты. Оған 3 жыл 6 айға бас бостандығынан айыру жазасы мен мемлекеттік қызметте және квазимемлекеттік секторда лауазымдарды атқару құқығынан өмір бойына айыру жазасы тағайындалды.
Прокуратура бұрынғы топ-менеджердің "Инкар" ЖШС-нің мүддесіне заңсыз ықпал еткенін айтып, соттың ақтау үкімін жоюды талап етеді.
Берік Шәріп қызметтік бабын асыра пайдалану бабы бойынша ақталды. Тергеу мәліметтеріне сәйкес және сотта тағылған айыптар бойынша "СҚ-Фармация"-ның болашақ төрағасы бола тұрып, ол коронавирус пандемиясына байланысты енгізілген жағдай кезінде қорғаныс костюмдерін сатып алу үшін заңсыз түрде "Инкар" ЖШС-нің мүддесіне қысым көрсеткен.
Жеткізуші қорғаныш киімдерін Қытайдан Қазақстанға уақытылы жеткізе алмаған. Нәтижесінде тергеу мәліметтері бойынша костюмдердің жетіспеушілігінен 2020 жылдың сәуір-мамыр айларында Қазақстанда екі мыңнан астам дәрігер ауырған.
Алайда сот Қанат Дүйсембиев сотталушының кінәсі дәлелденбеген деп шешім шығарған.
Естеріңізге сала кетейік, 2020 жылдың 14 тамызында "СҚ-Фармацияның" бұрынғы басшысы Берік Шәріп қамауға алынған болатын.
Бірінші сатыдағы соттың 4 тамыздағы шешімімен Берік Шәріп "Стражник" тапаншасын заңсыз сақтағаны үшін кінәлі деп танылып, 2,7 млн теңге айыппұл төлеуге міндеттелген. Сотталушы қаруды 2007 жылы Шымкенттен сатып алған және заңнамаға өзгерістер енгізілгеннен кейін де оны полицияға қайтарып бермеген.