СҚО-да бүтіндей бір ауыл арақтан бас тартқанына 12 жыл болған

Сәрсенбі, 2 Желтоқсан , 2015 8:55

Арақсыз ауыл! Солтүстік Қазақстан облысы Теңдік елді мекенінің тұрғындары 12 жылдан бері ішімдік ішіп көрмепті. Алкогольдің дүкен сөрелерінен жоғалғанына да талай жыл болған.

арақ

Бұл туралы КТК арнасы хабарлайды.

Содан бері ауылда ұрлық-қарлық, қылмыс деген атымен жоқ. Той- томалақтары қымызбен өтеді екен.

Облыс орталығынан шалғай жатқан Теңдік ауылында жүз шақты түтін бар. Жастар жағы жергілікті шаруа қожалығында жұмыс істейді. Ауылдағы айналдырған екі дүкенге арақ атаулының түспегеніне10 жылдан асыпты.

“Осы Теңдікте 2006 жылдан бері тұрамын. Он жылдай, бірде бір рет арақ сатылғанын көрген емеспін. Өзім осы дүкенде екі жыл істеймін.

“Мына мешіт Теңдік ауылында 2003 жылы бой көтеріпті. Оның ашылу салтанатында қариялар ауылдықтарға арақты мүлде қою туралы үндеу тастаған. Содан бергі өткен 12 жылда тұрғындардың бірде бірі харам суды ауыздарына алып көрмепті”,-дейді дүкен сатушысы Анар Амангелдіқызы.

Арақ -шарап ішпейтін ауылда ірі қылмыс атаулы мүлдем тіркелмейді. Майда -шүйде түсінбеушілікті қариялар сырттан ешкімді араластырмай өздері шешеді екен.

“Бізде осы Теңдік ауылында ұсақ-түйек қылмыстар болады. Отбасына байланысты, ұрыстар. Оны біз ақсақалдар төрағасымен, ауылдың әкімімімен бірлесіп отырып шешеміз, медиацияға сәйкес”,-дейді СҚО Теңдік ауылдық аймағының әкімі Рүстем Жұмағұлов.

Үш рет Меккеге барып келген Орынбай ақсақал 90-шы жылдары Теңдіктің дүние -мүлкін шашпай сақтап қалған. Нәтижесінде қазір тұрғындардың бәрі жұмыспен қамтылып отыр. Екі ұлын да арақсыз үйлендірдім дейді.

“Біз осында арақ мәселесін қойдық. Осы арақсыз өмір сүре аламыз ба деп, өмір сүреді екенбіз. Бір ай шыдадық. Содан кейін бір жыл шыдадық. Содан міне осы уақытқа дейін шыдап келе жатырмыз”,- дейді Теңдік ауылының тұрғыны Орынбай қажы Әлжанов.

Қазір Қызылжар өңірінде екі елді мекен тұрғындары арақты мүлдем қойған екен. Оның бірі Мәдениет ауылы, екіншісі осы Теңдіктің жұртшылығы.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
23.09.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар