Сіздің көпұлтты елде өскеніңіздің 10 белгісі
Қазақстанда 1 мамыр – еліміздегі барлық халықтың келісімі мен символына айналған Бірлігі күні ретінде тойланады.
Stan.kz сайты әр халықтың мәдениетін тани жүріп, көпұлтты мемлекетте өмір сүрудің кереметтігі жөнінде материал дайындаған болатын.
Біздер, қазақстандықтар, қандай халықпыз?
Біздің ойымызша, бауырсақтарды борщпен жеген дәмді болады. Ал, жылқы біз үшін әдемі жануар ғана емес, дәмді тағам саналады.
Біз шай ішпесек тұра алмаймыз. Шайды лимонмен де, сүтпен де іше береміз. Тіпті, суықта да, ыстықта да шай ішеміз. Шайды көпшілікпен де, жалғыз өзіміз болып та ішуден бас тартпаймыз. Қысқасы, шай ішпей жүре алмаймыз.
Біз ұйғырдың лағманы, өзбектің палауы, кавказдық кәуәп пен корейлік сәбіз салатының қандай болатынны білеміз.
Біздің достарымыздың арасында міндетті түрде корей ұлтының адамы болады.
Біз өзіміз будда дінінің азаматы болсақ та, мұсылман және христиан дінінің мерекелерін шын ықыласымызбен атап өтеміз.
Біз Жаңа жылды да қарсы аламыз, ай күнтізбесі бойынша жаңа жылды да атап өтіп, Наурыз мейрамын тойлаймыз.
Ауырып қалған жағдайда, достарымыз бізге иттің етін жеу, араққа бұрыш қосып ішу, банка қою, қойдың құйрық майын жағу сынды әр ұлттың халықтық еміне кеңес береді.
Біз әр елдің қалай ұрысатыннын жақсы білеміз. Бірақ, орысша балағаттағанды жақсы көреміз.
Үйімізге қонақ келсе дастарханынымыз асқа толады. Және қонақтарымыз біз дайындаған барлық тамақты жеу керек деп ойлаймыз. Тамақтанып болған соң, тортпен шай ішеміз.
Қонақтарымызға сарқыт беруді ұмытпаймыз. Тәтті болсын, жемістер болсын, әйтеуір меймандарды құр қол қайтармаймыз.