Атырау, Маңғыстау, Қызылорда, Оңтүстік Қазақстан облыстарында, Батыс Қазақстан және Ақмола облыстарының басым бөлігінде жауын-шашынның айлық мөлшері қалыптан төмен, қалған аумақтағы жауын-шашын мөлшері қалыпты және қалыптан жоғары, деп хабарлайды «Қазгидромет» РМК.

Алғашқы онкүндікте Қазақстан аумағындағы жаңбырлы ауа райы Батыс Сібір антициклонының әсерінен болады және соңғы онкүндікте кезекті Скандинавия аудандарының антициклоны орнайды.

3-4 және 7-8 шілдеде өткінші найзағайлы жаңбыр, жел жылдамдығы 15-20 м/с болады деп күтілуде. Ауа температурасы түнде 10-18-ден 18-26 градусқа дейін, күндіз 22-30-дан 30-38 градус нөлден жоғары болмақ.

Қазақстанның солтүстік-батыс, солтүстік және орталық бөлігінде он күн бойы найзағайлы жаңбыр және бұршақ жаууы мүмкін. Желдің күші 9-14, найзағай кезінде 15-20 м/с, ауа температурасы түнде 8-17 және 17-22, күндіз 15-25-тен 25-36 градусқа дейін көтеріледі.

Шығыста да жаңбыр, найзағай, бұршақ болуы мүмкін, жел жылдамдығы 9-14, найзағай болса 15-20 м/с, түнде 10-22, күндіз 22-32 градус жылы болмақ.

Оңтүстікте 2-6 шілде күндері найзағай мен нөсер жауын күтілуде. 2,7-8 шілде аралығы түнде 18-23, күндіз 30-38 градус, қалған күндері түнде 13-18, күндіз 25-30 жылы болады.

Оңтүстік-шығыста бүкіл кезең жаңбыр мен найзағай, 4-5 шілде күндері бұршақты жаңбыр жаууы мүмкін. Түнде 18-23-тен 12-17-ге дейін, күндіз 27-35 және 22-27 градус өзгермелі ауа температурасы болады.

Болжам бойынша, екінші онкүндікте Орталық Азиядан жылы ауа массаларының келуімен жауын-шашынсыз ауа райы болады. Батыс, оңтүстік және оңтүстік-шығыста ауа температурасы 38 градусқа дейін, солтүстік, шығыс және орталықта 35 градусқа дейін көтеріледі.

Шілденің үшінші онкүндігінде белсенді циклон әсерінен жаңбырлы салқын ауа райы күтілуде.

Ескерту: Синоптикалық жағдайдың өзгеруіне қарай консультативтік болжам түзетіліп отырады.

Талқылау