Шымкенттік полицейлер жезөкшелерден ақша бопсалап, оларға “крышевать” еткен (видео)

Желіде шымкенттік жігіттің жезөкше қызбен болған әңгімесін түсірген видеосы жарияланды. Жігіт полицейлерден қаланы жезөкшелерден тазалауын сұрады. Видеодан 1995 жылғы жеңіл жүрісті қыздың жігіттің көлігіне отырып, жұмыстары туралы ашық айтып бергенін тыңдауға болады.

Жеңіл жүрісті қыздар сағатына 3000 теңгеден алады екен. Ал, таңға дейін қызмет көрсету үшін 10000 теңге сұрайды. Қыздың айтуынша, теміржол вокзалының аумағында  жүз шақты жезөкше қызмет көрсетеді.

Ал, ең қызығы тәнін саудалайтын қыздардың бұл кәсібіне құзырлы органдар кедергі жасамайтын көрінеді. Өйткені, жергілікті орган басшысына әр жезөкше ай сайын 5000 теңгеден береді екен. Осылайша лауазымды қызметкерлер түнгі көбелектерді өз қамқорлығына алған.