Шымкенттік мұғалім жер үсті монорельстік көлік жүйесін ойлап тапты
Өнертапқыш Махмудхан Тұрсыновтың айтуынша, кез-келген қаланың тұрғындарының саны миллионға жеткенде, оларды жылдам және комфортабельді тасымалдаумен қамтамасыз ету ушін, метрополитенді құру және оны жұмысқа енгізу басталады.
Бұл туралы STAN.KZ сайты хабарлайды.
Қазіргі дағдарыс жағдайында Шымкентке метро салу мәселесін көтеру қисынсыз. Өйткені, жер асты жолдарын салу үшін қыруар қаражат қажет. Махмудхан Тұрсынов Шымкентте жерден 5 метр биіктікте орналасқан монорельстік көлік жүйесін салуды ұсынады.
Монорельстік коліктік жуйе екі бағытта жылжуға арналған эстакада, уш және одан көп вагондардан тұратын троллейбус кұрамы кіреді.
Эстакададағы әр бағытта журу бөлігінің ортасында, бағыттаушы рельстер орнатылады. Троллейбустағы әр бip балка және мосттың астында бағыттаушы рельстерге жалғанатын жабдықтар орналастырылған. Олар троллейбустын алдын-ала белгіленген бағытпен жылжуына бейімделеді.
Монорельсті көліктік жүйенің баска жер үсті және жер асты көліктерімен салыстырғанда, бірнеше артықшылығы бар.
«Монорельсті коліктік жүйені жолаушы тасымалдау процессіне енгізудін нәтижесі келесі артықшылыктармен белгіленеді: тез әрі қауіпсіз жеткізу, қоғамдық көліктің үзіліссіз жұмысы, экологиялық тиімділігі,кептеліс азаяды, қаланың сәні»,-дейді өнертапқыш.
Монорельстік көлік жүйесін салғанда, бетон төсемі немесе рельс, шпалдар колданылған теміржолдың қажеті жок. Сондықтан жер бетіндегі кұрылыс жұмыстарының көлемі төмендейді. Махмудхан Мәріпханұлы тіпті, монорельсті көлік жүйесінің Шымкент қаласының қай аудандарымен өтетінін шаһар картасы бойынша сызып шыққан. Қала көшелерінің жанымен өтетін эстакадалық жолдың ұзындығы шамамен 43 шақырымды құрайды.
Әлемнің 50 ден астам елінде монорельстік көлік жүйесі бар. Бірақ Махмудхан Тұрсыновтың жобасы олардан ерек. Сол себепті ол, өз туындысын 2008 жылы Мәскеудегі Еуразиялық патенттеу ұйымына өтініш беріп, 2010-жылы өз жобасын заңдастырып алған.
Автордың айтуынша, бұ жолдарды Шымкентке салу үшін шамамен 156 миллион доллар керек. Десе де, монорельсті жолдың кұны, метрополитеннің кұнымен салыстырғанда 15 тен 7 есеге дейін арзан болады екен. Тіпті кәдімгі темір жолдан да 2 есеге арзанға түседі екен.
Тағы бір айта кететін жәйт, Махмудхан Тұрсынов өзі ойлап тапқан жолдың техникалық мінездемесіне сай келетін троллейбустарды арнайы тапсырыспен жасауға болатынын айтады. Ол тіпті, бұл мәселе төңірегінде Беллоруссиядағы тройлебус шығаратын зауыттың бас механигімен де сөйлескен екен.