Диана Хашимханова Авраам Руссомен бірге ән шырқады (видео)

Танымал шымкенттік әнші Диана Хашимханова өзінің кумирі болған Авраам Руссомен бірге ән салды. Диана бұл дуэтке ешқандай дайындық болмағанын, бірге ән айтулары күтпеген жерден орын алғанын айтты.

Сурет otyrar.kz сайтынан алынды

Қазақстандық X-factor шоуының финалисті әнші Диана, Руссомен бірге ән салу, үлкен құрмет екенін жеткізді.

“Оның дауысы керемет, әрі ешкімге ұқсамайтын тембр бар. Аврааммен бірге ән айтып тұрып, өзіңді онымен өмір бойы таныс адамдай сезінесің. Сондай танымал адаммен бірге ән айту үлкен құрмет! Ал сахнадан тыс араласу барысында ол өзін өте қарапайым ұстайды, тіпті де жұлдыз емес сияқты”, – дейді Диана.

Белгілі әнші Авраам Руссо Шымкенттегі кештердің біріне ән салуға келген болатын. Бұл оның оңтүстікке жасап отырған екінші сапары.