Шымкентте жаңа некелескен әйелі бір аптадан соң күйеуінің бар ақшасын алып қашып кеткен

Сәрсенбі, 21 Қыркүйек , 2016 9:03

Таяуда біздің редакцияға Түлкібас ауданына қарасты ауылдардың бірінде тұратын оқырманымыз хабарласты. Осыдан екі ай бұрын біз ол азаматтың жар іздеп жүргені жөнінде жазып едік. Содан кейін ол кісіні Шымкент қаласында тұратын бір келіншек арнайы іздеп барыпты.

8026.kraza_

Бұл туралы Замана газеті хабарлайды.

«Ол әйелмен алдын хабарласып, сөйлескен едік, – дейді оқырманымыз. – «Үй-жайыңызды, өзіңізді барып көрсем бола ма?» – деген соң мекен-жайымды айтқанмын. Күн сенбі еді, келді. Барымды қойып, шай бердім. Ол өзінің жетім өскенін, ешқандай туған-туысы жоқтығын айтты. Бұрын тұрмыста болған екен. «Күйеуім ішімдікке салынып кеткен соң бір баламмен ажырасып келдім. Қазір Шымкентте пәтер жалдап тұрамын. Кафеде ыдыс жуушы болып жұмыс істеймін», – деп көз жасын бір сығып алған соң, аяп кеттім-ау деймін: «Қаласаң, бірге тұрайық, ұлыңды да әкелеміз», – деп бауырыма бастым.

Не керек, екі күннен соң молда шақыртып, некемізді қидырттық. Көрші-қолаңды шақырып, кішігірім дастархан жайдық. Осылайша күндер өтіп жатты. Бір аптадан соң ол әйел: «Менің барлық құжатым, киім-кешегім қаладағы пәтерімде қалды. Рұқсат етсеңіз ұлымды, сосын заттарымды әкелейін», – деп сұранды. Ойымда ештеңе жоқ, қолына банктегі шотымның карточкасын ұстатып: «Мынаның ішінде азын-аулақ ақша бар, соны алып, керек – жарағыңа жаратарсың. Үйге де азық-түлік ала кел», – деп шығарып салғанмын.

Сөйтсем Құдайдай сеніп, құшағыма қысқан әйелім алаяқ болып шықты ғой. Карточкадағы ақшамен қоса қалтамдағы 15 мың теңгені де сыпырып кетіпті. Телефоны сөндірулі, міне, бүгін екі аптадан асты, ол адамнан хабар жоқ».

Ел-жұрттың, туған-туыстың алдында осылайша ұятқа қалдым деп күйінген оқырманымыз өз аты-жөнін жазбауымызды өтінді. Бүгінде тиісті орындарға алаяқтан алданып қалғаны жөнінде арыз да жазыпты. Таяу уақытта табылар деп үміттеніп отыр.

«Мен мұны өзгелерге сабақ болсын деп айтып отырмын. Әрине, бұл жерде газеттің еш кінәсі жоқ. Бар кінә өзімнен, танымайтын, бейтаныс әйелді үйіме кіргізбеуім керек еді. Енді мұндай оқиға орын алмасын, өз теңін іздегендерге адал жар жолықсын деген тілегім бар», – дейді оқырманымыз.

Расында да алаяқтардан абайлау керек. Лажы болса таныс­қан адамыңыз туралы ақпарат жинаңыз. Бірге суретке түсіп алғанның да артықтығы жоқ. Қысқасы, өздеріңізге сақ болыңыздар!


Жіберіп алмаңыз:

Қызылордада бейтаныс адамның қолынан кәмпит жеген балалар жаппай ұшынып қалды

Алматыда төбелескен жезөкшелерге айыппұл салынды

Арғын мен Дулат Қазақстандағы ең саны көп ру атанды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев

Leave a Reply

Your email address will not be published.

Орташа айырбас бағамы
23.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар