Соңғы жаңалықтар
Соңғы жаңалықтар

Шымкентте «шыны баланың» отбасын алдап кеткен күдікті тұтқындалды

Шымкент полициясы «шыны баланың» отбасын алдап кеткен күдіктінің тұлғасын анықтады. Белгілі болғандай, күдікті қолға түскен, деп хабарлайды ІІД баспасөз қызметіне сілтеме жасап Stan.kz ақпарат агенттігі.

Шымкентте «шыны баланың» отбасын алдап кеткен күдікті тұтқындалды

Сурет: Instagram/nurotanuko

Полиция мәліметінше, күдіктінің тұлғасы анықталды.

«ҚР ҚК «Алаяқтық» бабы бойынша тергеу жүргізіліп жатыр. Қазіргі уақытта тергеу амалдары жүргізілуде», – делінеді хабарламада.

Ал «Нұр Отан» партиясының облыстық филиалының Instagram желісіндегі ресми парақшасында күдіктінің тұтқындалғаны туралы мәлімет тарады.

«Шымкенттегі партияның әрекеттесуімен сирек кездесетін остеогенез дертінен зардап шегетін «шыны бала» Әділхан Бейсембайұлының ата-анасын алдап кеткен алаяқтар ұсталды», – делінген хабарламада.

Естеріңізге сала кетсек, бұған дейін Шымкентте алаяқтар “шыны баланың” жанұясын ақшасыз қалдырған еді. Белгісіз біреулер көмек көрсетеміз деп  баланың ата-анасын Шымкентке шақырып, олардың ақшасын алып, қашып кеткен.

Stan.kz сайтын Telegram арқылы оқыңыз. Арнамызға жазылыңыз.

Талқылау