Соңғы жаңалықтар
Соңғы жаңалықтар

Шымкентте көпбалалы ана АИТВ (ВИЧ) инфекциясын жұқтырғанын жүкті кезінде білген

Шымкент пен Түркістан облысында АИТВ (ВИЧ) инфекциясын жұқтырған 44 әйел сәби босанған. Олардың арасында қорқынышты диагноз туралы жүктілік кезінде білгендер де бар. Дәрігерлер қанша баланың сау болып өмірге келгенін әзірге айта алмай отыр. Ол үшін сәби бір жылдан аса уақыт дәрігердің бақылауында болуы қажет.

Шымкентте көпбалалы ана АИТВ (ВИЧ) инфекциясын жұқтырғанын жүкті кезінде білген

Бұл туралы Stan.kz ақпараттық агенттігі 31 арнаға сілтеме жасап хабарлайды.

Психолог Рая Мамедованың мойнына ауыр міндет жүктелді. Оның емделушісі жүктіліктің 12-ші аптасында ВИЧ инфекциясына шалдыққанын білген. Жас әйел диагнозына сене алмай отыр. Ал психолог оны тыныштандырып қана қоймай, вирусқа қарсы ем қабылдауға көндіруі қажет.

“Кей аналарды: – Тым болмағанда босанғанға дейін дәрі іш. Кейін сөйлесеміз, – деп көнідерімз. Егер әйел препараттарды қабылдайтын болса, дені сау баланы өмірге әкеледі. Егер де ұмытып не болмаса қаламаса – баланың сау болуына ешкім кепіл бере алмайды”, – дейді Рая Мамедова.

Бала індетті үш кезеңде жұқтырып алуы мүмкін: жүктілік, босану және емізу. Статистикаға сенсек, 50% жағдайда балалардың ағзасына вирус босану кезінде, ал 20% жағдайда емізу кезінде беріледі екен.
Он айдың ішінде аймақты ВИЧ инфекциясын жұқтырған 44 ана босанған.

Олардың 31-і диагноздары туралы жүктілік кезінде білген.

“ВИЧ инфекциясы анықталған әйелдердің ішінде көпбалалы аналар да бар. Олардың ішінде күйеуі таза, ал өзі ВИЧ-ке шалдыққан әйелдер де жоқ емес. Эпидемиологиялық тергеу жүргізіліп жатыр, алайда көп жағдайда әйелдер некеден тыс қатынасқа түскендерін мойындай бермейді”, – дейді СПИД-пен күрес орталығы бас дәрігерінің орынбасары Қожахмет Маширов.

Айта кетейік, соңғы 11 жл ішінде аймақта ВИЧ жұқтырған 535 әйел сәби босанған. Олардың 320-сы ұзақ уақыт емделгеннен кейін есептен алынған. Өкінішке қарай, 15 баладан ВИЧ инфекциясы анықталған. Қалған 200-ге жуық бала дәрігерлердің бақылауында.

Дәрігерлер жыныстық қатынас кезінде инфекцияны жұқтыру қаупі әйелдерде жоғары екенін ескертеді. Бұл ағзаның физиологиялық ерекшеліктеріне байланысты.

Stan.kz сайтын Telegram арқылы оқыңыз. Арнамызға жазылыңыз.

Талқылау