Шымкентте қонақ үйге жалған жарылғыш зат қойып кеткен адам іздестіріліп жатыр
Ойыншық бомбаны ғимаратқа қойып, тіпті мекеме күзетшісін пышақтап кеткен бұзақының мақсатын жұрт түгілі, тіс қаққан полицейлерде түсінбей дал
Бұл туралы ktk.kz хабарлады.
Түнгі бірлер шамасында қонақүйге келген азамат қойнындағы қорабын есік алдына қалдырыпты. Сыртқа шыққан 20 жастағы күзетшісі затын алып кетуін өтінгенде жүзін жасырған қаскөй оған пышақ сұғып, артынша із суытқан. Оқиға орнына жеткен полицейлер мен арнайы жасақ қонақүй мен оның жанындағы үйлердегі тұрғындарды қауіпсіз аймаққа шығарып, көшені жауып тастады.
Әбден әбігерге түскен саперлар қорап ішінен тура шытырман фильмдегідей жарылғыш затты алып шыққан. Сағат пен телефонға оралған гранатаның жанынан қызыл және көк сымдар да шығып тұр. Тек, бұл жарылғыш зат ойыншық болып шықты. Жарақат алған күзетші ауруханада жатыр. Ал қаскөй қазір іздестірілуде.
Талқылау