Шымкентте «Қазақ халқына мың алғыс» атты ескерткіш қойылмақ

Шымкент қаласының бұрынғы «Қазақстан» кинотеатрының, қазіргі «Қоғамдық келісім» ғимаратының алдына «Қазақ халқына мың алғыс» атты монументі  орнатылады. Бұл жайлы облыстық этномәдени бірлестік өкілдері талқылады.

Бұл туралы ОҚО әкімдігінің баспасөз қызметі хабарлайды.

Шымкент қаласының «Қоғамдық келісім» коммуналды мемлекеттік мекемесінде ОҚО ассамблея хатшылығының ұйымдастыруымен облыстық этномәдени бірлестік өкілдерінің кездесуі өтті.

Отырыста хатшылық жетекшісі Мұратәли Қалмұратов қорытынды жасап, барлығына алғыс білдірді. Ол жиналғандарды 2016 жылдың жоспарымен таныстырып, ұйымдастырылып жатқан жобаның бәрі Қазақстан тәуелсіздігінің 25 жылдығына арналатынын айтты.

«Қазақ халқына мың алғыс» монументі бұрынғы «Қазақстан» кинотеатрының, қазіргі «Қоғамдық келісім» ғимаратының алдына орнатылады.