Шымкентте әйелді бауыздап өлтірген күдікті ұсталды
Шымкенте әйелді өлтірген 30 жастағы күдікті қолға түсті. ОҚО Ішкі істер департаментінің мәліметінше, қайғылы оқиға 22 наурыз күні болған.
Сурет tvk-uko.kz
Күдікті ретінде ұсталған жігіт Сайрам ауданының тумасы. Ол әйелді қызғаныштан бауыздап тастаған.
“Сот медициналық сараптамасының алдын-ала қорытындысы бойынша ажал құшқан әйел өлімінің себебі дене жарақатынан болғаны анықталды”, – делінген хабарламада.
Көршілерінің айтуынша, әйелмен бірге тұратын ер адам оны қызғанып, ақыры қолын қанға малған. Жақын маңдағы адамдар айқай-шуды сосын сынған терезенің дауысын естіген. Олар дереу полицияға хабар берген. Тәртіп сақшылары үйден тек бауыздалған әйелдің денесін ғана таба алды.
Талқылау