Соңғы жаңалықтар
Соңғы жаңалықтар

Балабақша тәрбиешісі жезөкше болып жүр: Шымкент тұрғындары жезөкшелердің даусынан ұйықтай алмайтындарын айтып шағымданды

Шымкент тұрғындары пәтерді жалға берушілердің жезөкшелерді жалдайтынын айтып наразылық танытты, деп хабарлайды КТК арнасының сайты.

Төлеген Айбергенов көшесінде жалға пәтер берушілер жезөкшелер қызметін ұсынатын болған. Тұрғындар талай рет шағымданғанмен нәтиже шықпапты.

Пәтер иелері шағымданған жұрттың сөзіне құлақ асу түгілі өздерін қорқытып-үркітетін көрінеді. Ал, балалар аулада шашылып жататын мүшеқаптарды шар деп үрлеп ойнап жүр.

“Бала-шағаңды ойласаңдар менің жұмысыма  кедергі болмаңдар деп  айтады. Прокуратураны сатып алғам, полицияны сатып алғанмын, олар маған жұмыс істеуге рұқсат берді, сендер кімсіңдер деп қоқаңдайды”, – дейді Шымкент қаласының тұрғыны Мария Байдулла.

Тұрғындар ауланың бөтелке мен мүшеқаптан босамайтынын айтып налыды.

“Жыныстық қатынастың дыбыстары шығады. Түні бойы сол. Бала-шаға сұрайды. Оларға не деп түсіндірем?”, – дейді Наргиз Ералиева.

Тұрғындарың шуынан соң тексеріске келген учаскелік полицейлер пәтердің біріне кіріп келгенде, жалаңаш әйел мен ер адамның үстінен түсті. Олар дос екендерін айтып ақталды.

Жауап беруге қиналған болуы керек, әкімдік те ішкі істер департаменті де бізбен бұл мәселе бойынша тілдескісі келмеді. Тұрғындар бұл мәселені шешу үшін Астанадан көмек сұрайды.

Stan.kz сайтын Telegram арқылы оқыңыз. Арнамызға жазылыңыз.

Талқылау