Шығыс Қазақстанда тағы екi адамның сiбiр жарасын жұқтырғаны анықталды
Шығыс Қазақстан облысында екi адам сiбiр жарасын жұқтырды. Бұл фактiнi ҚР Денсаулық сақтау және әлеуметтiк даму министрi Тамара Дүйсенова журналистерге берген сұхбатында айтты, деп хабарлайды BNews.kz тiлшiсi.
«Шығыс Қазақстан облысында екi адамның ауру жұқтырғаны расталды. Қарағанды облысында екi азаматтың сiбiр жарасын жұқтырғанын да арнайы қызметтер анықтаған болатын. Бiз олардан ақпарат күтуiмiз керек, себебi, бұл мәселелермен айналысатын осы қызмет. Ал бiздiң жұмысымыз – медициналық көмек көрсету. Науқастардың халi тұрақты. Оларға барлық көмек көрсетiлiп жатыр», – дейдi министр.
Талқылау