Соңғы жаңалықтар
Соңғы жаңалықтар

Шығыс Қазақстанда бес жасар бала ес-түссіз құлаған әжесін өлімнен құтқарып қалды

Өскеменде 76 жастағы әжей кенеттен инсульт алып, құлап түседі. Сол кезде бес жасар Әлижан еш қорықпастан көшеге шығып, көмек шақырған. Жедел жәрдем уақытылы келеді.

spas_babushku

Бұл туралы “Устинка LIVE” хабарлайды.

Жамалтай Мәкебаева немересімен бірге Үржардан Өскеменде тұратын туыстарының үйіне келген. Әжей немересімен бірге өздері ғана қалған кезде жағдайы нашарлап, құлап қалады. Немересі қапелімде не істерін білмей туыстарға телефон шалмақ болып, бірақ ол әрекеті сәтсіз аяқталады. Сосын көшеге жүгіріп шығып, көмекке адамдарды шақыра бастаған. Көршісі жағдайды біле салысымен бірден жедел жәрдем шақырған.

spas_babushku12

“Әжеміздің миына қан кеткен. Жедел жәрдем дәрігерінің айтуынша, егер олар сәл кеш келгенде жағдай мүлде басқаша болуы мүмкін екен. Егер Әлижан болмағанда әжемізге не боларын ойлаудың өзі қорқынышты”, – дейді үлкен немересі Мадияр Қалиев.

Қазір 76 жастағы Жамалтай апаның жағдайы жақсарған. Ауруханада ем қабылдап жатыр.

Оқи отырыңыз:

Алматыда танымал актердің жесірін төрт баласымен пәтерден қуып жатыр

Швед азаматы желмаяға мініп қазақ даласын аралап жүр

87 жастағы академик Төрегелді Шарманов ұзақ жасаудың құпиясын ашты

Павлодарлық жігіт полицейдің көлігінің үстіне шығып алып селфи жасады

Талқылау