ШҚО-да тасқыннан іргетасы үгітілген үйлер құлап жатыр

Шығыс Қазақстан облысындағы Аягөз ауданында тосыннан келген топан судың арыны басылды. Қазір су шайған алты көшедегі апат салдарын жою жұмыстары жүргізіліп жатыр, деп хабарлайды КТК.

Ал қауіпсіз аймаққа көшірілген 300 адамнын 260-ы өз баспаналарына қайта оралды. Әйтсе де, қабырғалары дым тартқан кейбір, үйлер шыдас бермей құлай бастаған. Алайда нақты қанша отбасының баспанасыз қалғаны әзірге белгісіз.

Бас-аяғы 15 минуттың ішіде қарқыны қатты тасқын 100-ден аса баспананы шайып өтті. Үрейі ұшқан жұрт, жан сақтау үшін жылдар бойы жинаған дүние- мүлкін тастай сала қашуға мәжбүр болған. Қазір сары балшықтан тұрғызылған кейбір үйлердің қабырғасы қақырап, төбесі опырылып жатыр.  Ал арнайы комиссия құлаған баспаналардың саны мен жалпы шығын мөлшерін әлі де анықтауда.

Әзірге, топан судан зардап шеккендердің нақты саны белгісіз болып отыр. Алайда мұндай отбасыларға қолдау көрсету үшін жедел штаб құрылған. Олар, жұрттан жиналған қаражатқа, жылы киім және отын- су жеткізіп беріп жатыр. Әйтсе де, дүние-мүлкі жарамсыз күйге түскен қарашаға мемлекет тарапынан қандай көмек көрсетілетіні де беймәлім. Бірақ үкімет өкілдері арнайы комиссияның қорытындысын күтіп отырғанын жеткізді.

“Қазір Шығыс Қазақстан облысында жағдай тұрақталды. Аягөз ауданында тасыған су тоқтаған. Негізі, өзеннің тасуына бір күнде қардың екі айлық мөлшерден көп түсуімен қатар жаңбыр да себеп болды. Енді Балқаш көлінің деңгейін қадағалап отырмыз”, – дейді ҚР Ішкі істер вице-министрі Юрий Ильин.

Аягөз ауданындағы топан судың арыны басылғанымен, алдағы тәуліктерде күн жылынып, қар аралас жаңбыр жауады. Сондықтан, көптеген өзендерде әлі де су деңгейі көтерілуі мүмкін. Енді төтеншеліктер жұртқа тасқыннан сақ болуды ескертті.

Тағы оқыңыз:

Алматы облысында 5 баласы бар отбасы күйеуінен зәбір көрген 2 келіншек пен 14 баланы асырап алған

Мектеп әрі жатақхана: Астанада бір ғимаратта он отбасы өмір сүріп, жүздеген оқушы білім алады

АҚШ пен Германия азаматтары тарапынан қазақ қыздарының пәктігін сатып алуға сұраныс көптеп түсуде

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
12.12.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар