ШҚО-да сары аурудың таралуына байланысты бас дәрігер қызметінен босатылды
Үржар аудандық ауруханасының бас дәрігері Жексенбай Тілеубердин сары аурудың таралуына байланысты қызметінен шығарылды, деп хабарлайды Шығыс Қазақстан облысы коммуникациялар қызметі.
Бұл туралы Спутник Қазақатан хабарлады.
Бас дәрігер жұмысына салғырттық танытқанын мойындап, халықтан кешірім сұрады.
Бұдан бұрын Шолпан ауылында 12 адамның гепатит А дертіне шалдыққаны туралы белгілі болған. 2017 жылдың қыркүйегінде бірінші науқастың дерті анықталғанда дәрігер қызмет орнында болмай, орта деңгейлі медициналық қызметкерлер емдеу шарасын жүргізген екен.
Облыстың денсаулық сақтау басқармасының бастамасы бойынша, медициналық қызмет көрсетудің сапасы мен қаржылық-шаруашылық жағын тексеретін арнайы комиссиялар құрылды.
Шолпан ауылына облыстық балалар дәрігері мен Семейдің бас жұқпалы аурулар дәрігері арнайы жұмыс тобының құрамымен жіберілді.
Тағы оқыңыз:
Енді жас жұбайлар үйлесімділігін тексеретін тесттен өту міндеттелуі мүмкін
Жамбыл облысында 7 отбасы тұратын ауыл халқы айдалада қалды
Бурабай курорты шетелдік инвесторларға берілуі мүмкін