Соңғы жаңалықтар
Соңғы жаңалықтар

Шайдың ешкім күтпеген пайдасы анықталды

Батыс Аустралия Университетінің ғалымдары күн сайын бір шыны шай немесе бір уыс жидек жеу жүрек-қан тамырлар ауруларына шалдығу қатерін төмендететінін анықтады.

Шайдың ешкім күтпеген пайдасы анықталды

Бұл туралы Live Science басылымына сілтеме жасап Stan.kz хабарлайды.

Мамандар ХХ ғасырдың 90-жылдары басталған Danish Diet, Cancer and Health Study зерттеулеріне қатысқан 53 мың адамның мәліметін сараптады. Зерттеуге қатысушылар сауалнамада күн сайын қандай тамақты жейтінін және қаншалықты жиі ауқаттанатынын көрсеткен. Олардың денсаулығын 23 жыл бойы бақылауда болып, осы уақыттың аяғында 12 мың адамда жүрегіне байланысты қиындықтар пайда болған.

Анықталғандай, күніне шамамен 500 миллиграмм флавоноидтар тұтынған адамдардың жүректің ишемиялық ауруы, жүрек талмасы және шеткі қан тамырлар ауруларына шалдығуы айтарлықтай төмен болған. Ал қабынуға қарсы әсері бар флавоноидтар бір шыны шайда және қаражидек, басқа да жидектерде жеткілікті түрде кездеседі.

Алайда шылым шегу және алкогольді ішімдік ішу флавоноидтардың ағзаға оң ықпал ететін мөлшерін арттырып жіберіп, кері әсер етеді.

Stan.kz сайтын Telegram арқылы оқыңыз. Арнамызға жазылыңыз.

Талқылау