Шариғатта шарапты шипа үшін ішуге бола ма

Қан көбейту мақсатында шарап (вино) ішсе бола ма? Той-томалақта шарап қан көбейтеді деп ішкізіп жатқан адамдарды көремін. Бұл шариғатта дұрыс па?

Арақ-шарап адамға және оның денсаулығына пайдалы болса харам етілмес еді. Ал, харам адамға ешуақытта шипа болмайды. Хадисте: «Ақиқатында, Алла ауру мен дертті жіберді. Сондай-ақ, әрбір дертке дауа-шипа берді. Ем іздеңдер және емделіңдер. Бірақ, хараммен емделмеңдер», – делінген.

Шарап та харам боп табылады. Сусын және емдік ретінде ішуге қатаң тыйым салынады. Пайғамбардан (с.ғ.с.) Тариқ бин Суайд арақ жайлы сұрағанда, тыйым екенін айтты. Сонда ол: «Біз онымен емделеміз және емдейміз», – дейді. Алла елшісі (с.ғ.с.) оған: «Расында, ол (арақ-шарап) – дерт, шипа емес», – деп жауап берді.

Ал, қанды көбейту үшін жеміс-жидек, ет тағамдарын және балық көп жеңіз.

muslim.kz

Жіберіп алмаңыз:

Шариғатта қандай жағдайда өтірік айтуға рұқсат етіледі

Ислам діні адам сыртынан сөз айтуға рұқсат беретін 5 жағдай

Таудай қарызыңыз болса да құтылуға көмектесетін дұғалар

Шариғатта бала кезінде атастырылып қойған екі жастың үйленуі міндетті ме