“Севилья” Европа Лигасын үшінші рет жеңіп алды (видео)
Испаниялық футбол клубы “Севилья” Европа Лигасының финалында ағылшындардың “Ливерпулін” 3:1 есебімен жеңіп, кубокты бастарына көтерді.
Сурет rg.ru
Швейцарияның Базель қаласындағы “Санкт-Якоб Парк” стадионында өткен кездесуде бірінші болып ағылшын командасы есеп ашқан. 35-ші минутта Даниэль Старридж қарсылас қақпашыны қапы қалдырып кетті. Алайда екінші таймда бұл допқа Кевин Гамейро үн қатып, есепті теңестіре алды. Ал 64-ші және 70-ші минутта испан ұжымының капитаны Коке дубль жасап, командасына сенімді жеңіс сыйлады.
Осылайша “Севилья” бұл турнирді үш рет жеңіп, келесі жылы Чемпиондар Лигасында ойнау мүмкіндігіне ие болды.
Талқылау