Сені сүйемін: Қыдырәлі Қарақатқа сезімін білдіріп, ағынан жарылды
Қыдырәлі Болманов жарымен танысқанына 22 жыл толғанын айтып, Қарақатқа сезімін білдірді.
“Бүгінгі мереке қарсаңында біздің де мерекеміз. Алла қосқан Қарақатыммен танысқаныма 22–жыл толыпты бүгін. Кезіндегі кішкентай ғана балмұздақ қыз Қарақат, бүгін Аллаға шүкір,мені қосқанда 6–7 баланың Анасы! Балаларымның Анасынан айналдым. Халықтың сүйкімді қызы, сүйікті әншісіне, менің сенімді серігім,жүрегімнің ішіндегі жүрегіме айналдың. Осы ән де саған арналған! Сүйем сүйгенді! Сүйіп туғанды! Шапан кигенді! Жөргек жуғанды! Сүйем сүйгенді! Шашын түйгенді! Шолпы таққанды! Камзол кигенді!
Ер Азаматың ретінде – сүйген жарымсың! Продюсерің ретінде – сен менің сүйікті “жобамсың“. Азаматша ретінде –Досымсың. Досым ретінде -“красавчиксің. Алла бере салғандарымның Анасы, мектептеріңде оқитын 700–ден астам талантты балапандардың, шәкірттеріңнің екінші Анасысың. Ана мен баланың жүргізушісің. Осы күнге аман–есен жеткізіп, ұл–қыз сүйгізген Мейірімді Аллаға сансыз мадақ! Сүйемін, Аяулым, Айналайын, Күнім, Бағым сен, ризамын саған! Әндеріміздің аталуының өзі де, саған арналған сөздерден тіркелген. Мерекеміз құтты болсын! Бақытты бол, айналайын!”, – деп жазды продюсер желіде.
Қарақат та 1 желтоқсанды ерекше ықыласпен еске алып, өз көңіл-күйін жеткізген еді.
“Сол бір аппақ нұрлы сәтте жүрегімді бірден жаулаған адам өмірлік көшбасшыма айналды”, деп жазды әнші.
Желі қолданушылары қос әншінің махабаты мен сыйластығына қызығып, тілеулестік білдірді.
Stan.kz сайтын Telegram арқылы оқыңыз. Арнамызға жазылыңыз.