Бүгінде, зейнет жасын алқымдаған. Алайда қолында бірде-бір құжаты болғандықтан оны да рәсімдей алмаған көрінеді. Енді тұрғындар оған жеке бас куәлігін жасатып, ортаға бейімдемек.

Тағдырдың тәлкегіне ұшырап, қаңғыбас боп кеткен 67 жастағы әйелдің есімі – Роза. Бір қызығы, ол дала кезіп жүргенімен тазалық дегенді тасада қалтырмапты. Тіпті аш құрсақ қалса да жұртқа алақан жайып, қоқыс жәшігін ақтармаған. Кейбір тұрғындардың берген тамағын да талғап ішеді екен.

-“Менің көшеде жүргеніме 8 жыл болды. Осы жылдар арасында дұрыс тамақ ішкен емеспін. Асхананың өзі ақшаммен барсам да маған бермейді. Қараңыздаршы, үстімнің бәрі таза. Исін шығармай жуып отырамын”, – Роза Серазетдинова.

Қолына қос-қостап ұстаған сөмкесі киім-кешекке толы. Оны екі күнің бірінде Ертіске жуып алады екен. Бірақ өзі томаға тұйық. Адамдармен ашылып сөйлеспейді. Жұрт оның бұл қылығын әлдебіреуден теперіш көргенімен байланыстырады. Сондықтан олар оны адам қалпына келтіруге болады деп отыр.

-“Оны бірнеше рет ұрған. Әлдебір нәрсемен улаған. Сондықтан адамнан қатты қорқады. Кәрі адам ғой. Өмірінің дұрысталып, ортаға бейімделуіне көмектескіміз келеді”, – дейді Семей қаласының тұрғыны Ольга Жүнісова.

Кезінде білікті маман болғанымен, егемен елдің таңбасы бар құжат бұйырмапты. Ал кеңестік дәуірден қалған қызыл паспортын осы қаңғыбастықпен жүріп жоғалтып алған. Бір жағы соның да кесірінен, жасы жетпіске тақаса да, зейнеткерлікті рәсімдей алмай жүр.

-“Көмекке зәру емеспін дейді өзі. Оның зейнетақысы талай жылдан бері жинақталып, жеке шотында тұр. Құжаттарын әзірлесе, кез-келген мезетте алуына болады. Ал біздің орталыққа орналасуы үшін құқық қорғайтын органдардың көмегіне жүгінуі керек, – Семей қалалық әлеуметтік бейімдеу орталығының директоры Қайрат Омаров.

Дала кезген қарт өзіне жәдемдеспек болғандарға сенбейді. Оларға сенгісі де келмейді. Сондықтан құжатын әзірлеп, бейімдеу орталығына жатудан түбегейлі бас тартып отыр. Алайда белсенділер жақындарының бар-жоғын нақтылап, кайткен күнде де көмек қыламақ.

Жіберіп алмаңыз:

Ресейлік студент көшедегі қаңғыбастың атақты жазушы екенін танып оны құтқарып қалды (фото)

Германия тұрғыны әкесінің Қазақстанда бомжға айналған БАҚ-тан көріп шошыған

Алматыда мүгедек жігіт өзін бөтен адамдардың құлдықта ұстап қайыршы еткенін айтты

Талқылау