Семейден Астанаға қатынайтын пойызға “Абай жолы” деген атау берілді
“Астана-Защита” бағытымен қатынайтын жүрдек пойызға “Абай жолы” атауы берілді. Мұндай шешімге Шығыс Қазақстан облысы Семей қаласы зиялы қауымы өкілдерінің ұсынысы негіз болған.
Бұл туралы bnews.kz хабарлайды.
“Биыл Мұхтар Әуезовтің дүниеге келгеніне 120 жыл толады. Бұл – ұлы жазушының әдеби мұрасын насихаттаудағы нақты қадам. Біздің ұсынысымызға қолдау білдірген ұлттық тасымалдаушы компания басшылығына алғыс айтамыз”, – дейді бастамашы топтың мүшесі, Абайдың “Жидебай-Бөрілі” мемлекеттік мұражай-қорының директоры Болат Жүнісбеков.
“№67/68 “Астана-Защита” жүрдек жолаушылар пойызы отандық “Тұлпар-Тальго” вагондарымен жасақталған және күн сайын жүреді. Жолдағы уақыты – 16 сағат 30 минут”,-деп хабарлайды “Жолаушылар тасымалы” АҚ баспасөз қызметі.
Қазіргі кезде республикалық және мемлекетаралық бағыттар бойынша “Алатау”, “Ақжайык”, “Жетісу”, “Сарайшық”, “Ақсұңқар” және т.б. атаулы пойыздар қатынайды.
Оқи отырыңыз:
Қазақстандық психолог секс туралы балаларға ерте жастан айтпауға кеңес берді
Оқушының таусылмайтын проблемасын жіпке тізген анаға министрдің өзі жауап берді
Қазақстан мен қазақстандықтардан көңілі қалған туристер: 4 оқиға
Серік Абас-шах тоқалымен елді құтқармақ болған Қыдырәліні әжуалады