Семейде Lexus жүргізушісі аулада жолын жауып қалған жедел жәрдем жүргізушісін соққыға жықты

Семейде аулаға кіріп келген 34 жастағы көлік жүргізушісі жедел жәрдем көлігіне тіреліп қалады. Ер адам жедел жәрдем машинасын жолдан алып тастауды талап етеді. Қарсылықтан кейін ол жүргізушіге жұдырық ала жүгірген.

Фото: bnews.kz

Бұл туралы Өскемен Жаңалықтары хабарлайды.

Оқиға 14 маусым күні сағат 23:00-де болған. Жедел жәрдем бригадасы Дулатов көшесіндегі пәтерлердің біріне келген. Медбике науқасқа кіріп кеткен кезде, аулаға Lexus RX300 маркалы көлік кірген. Иномарканың иесі жолынан жедел жәрдем көлігі алып тастауды талап етеді. 57 жастағы жүргізуші кез-келген сәтте дәрігерлердің келіп қалуын айтып, жағдайды түсіндірмек болған. Қарсылықты ести салысымен ашулы ер адам жүргізушіге жұдырық ала жүгірген.

“Дене жарақатын салу фактісі бойынша ҚР ҚК 293 “Бұзақылық” бабы бойынша іс қозғалды. Күдікті бұзақылық әрекеті үшін айыпталып отыр. Ол 34 жастағы қала тұрғыны болып шықты. Қазір сараптама тағайындалып, тергеу шаралары жүргізілуде”, – деп хабарлады ІІД.

Оқи отырыңыз:

Тәрбиеші көп сөйлеген бүлдіршіннің аузын скотчпен жауып өлтіріп алды

ОҚО-да жантүршігерлік жол апаты болып, 5 адам қаза тапты

Алматыда жол апатынан көлік тізгініндегі қыз аяғынан айырылды (видео)

Алматы маңында қазақ жігіт тікелей эфирде өз-өзіне қол салды