Соңғы жаңалықтар
Соңғы жаңалықтар

Санжар Керімбай кәпірмен төсектес болған қазақ қызының “бомба” хатын талдады

Санжар Керімбай жұртты шулатқан мәселеге қатысты пікір білдірді. Отандастарының қазақ қыздарының қадіріне жете алмай жүргенін тілге тиек етті. Жұртты әйел затына түсіністікпен қарауға шақырды.

dfe61cd1b523a7cc2659336f3885b1a385735ecb

Бұл туралы Stan.kz хабарлайды.

Біраз уақыт бұрын қазақстандық қыз-келіншектерге бай қытайлықтарға тұрмысқа шығу ұсынылды. Неке агенттігінің бірі лайықты кандидат тауып, онымен кездестіруге уәде берді. Оның құны 25 мың теңге тұрады екен. Қытайлық бай азаматтар қазақстандық қыздарға көз тігетіні белгілі болды. Осы тақырыпқа қатысты Санжар Керімбай пікір білдірді.

Ол өзінің фейсбуктегі жазбасында алдымен “Ақжүніске” жазылған хаттың мазмұнын бөлісті. Аталған хатта қазақ қызы отандасынан қорлық көреді. Ақыры ажырасып қалаға келеді. Оқып жүріп Қытай жігітімен төсектес болады. Күнде түнде жабайы жыныстық қатынасқа мәжбүрлеген қазақ жігітінен әлгі қытайлықты артық көреді. Хаттың толық мазмұны келесідегідей.

“ТВ-да журналиспін. “Алтын сақа” мен Сәуленің “Ақжүнісі” бір бөлмеде отырады. Ақжүніске келетін хатта есеп жоқ. Редакцияға күн сайын 100-ге жуық хат келеді. Сәуле оларды оқып үлгермейді. Кей кездері бірнеше қыз тәулік бойы ұйықтамай бума-бума хаттарды ашып оқып, мұқият сұрыптайды. Бір күні жұмысқа келсем үстелде іріктелген хаттар жатыр екен. Бәрі де жыртылып ашылған. Уақыт өткізу үшін кей хаттарды оқып отырмын. Көбі қайғысы мен мұңын айтып, Сәулеге соларды жарыққа шығарып, жан жарасының жеңілдеуіне жәрдем сұрайды. Бір кезде сұмдық хаттың үстінен түстім. Есімде қалған мазмұны былай.
“Құрметті Ақжүніс! Саламатсыз ба? Мен Түркістан қаласында университетте оқитын студент қызбын. (Ұмытпасам ол Отырар ауданының бір ауылынан келген) Мен бірінші курсты бітірген соң көрші ауылдың бір жігіті алып қашты.

Ата-анам “тағдырың осы шығар” деп үйге қайтып әкелмеді. Сол үйде келін боп қалдым. Бірақ менің тозаққа бергісіз өмірім сол күннен басталды. Күйеуім дым көрмеген жабайы. Тәрбие көрмеген нағыз тұрпайғы тағы дерсің. Күндіз тамақ ішіп, түнімен секске мәжбүрлегеннен басқаны білмейді. Барынша бәріне көніп, жақсы келін атанғым келді. Шыдау мүмкін емес еді. Ол тек боқтап сөйлейтін. Көп ұзамай жөн-жосықсыз сабайтын болды. Оған да үйреніп қалғам. Бір күні болмашыға ашуланып тепкілеп тастады. Бұдан әрі шыдамадым. Ажырасып үйіме келдім. Оқуымды жалғастырдым. Жатахқанада тұрып жаттым.

Көрікті қыз болғандықтан маған қырындайтын қазақ жігіттері көп еді. Бірақ жүрегім бір рет шайлығып қалғандықтан ешбіріне көңіл білдірмедім. Күйеуге тиген соң бәрі де оңдырмай сабайтын сияқты көрінді. Жатақханада бір қытай жігіті тұрды. Есімі … (деп қытайша жігіттің атын толық жазған.) Көрші тұрған соң танысып араластым. Ол маған сондай ілтипатты еді. Менің көңілім не қалап тұрса соны жазбай танитын. Кей кездері бір іске үлгермей жатсам жәрдем қолын соза қоятын. Мереке, мейрамда түрлі сыйлықтар жасайды. Оған бауыр басып қалғаным сонша бір күн көрмесем сағынып іздейтін болдым. Осылайша оңаша отырып сырласатын да болдық. Ол ешқашан ашулануды білмейтін. Кейде өтірік өкпелеген боламын. Ол сол кезде менің көңілімді табу үшін бәріне баратын. Мұндай жылы жүректі нағыз жігітті өмірімде көрмеппін. Ақырында бір бөлмеде бірге қонатын болдық. Құшақтасып, аймаласып жаттық.

Бір күні мен жыныстық қатынасқа берілдім. Онымен болған түнім қатты ұнады. Ол қазақ күйеуім сияқты жабайы жолмен жұлмаламайтын. Мені барынша аялап отырып, рақатқа бататын. Өкінішке орай оның оқуы бітті де еліне кетті. Қазір оны сағынумен, аңсаумен күн кешіп жүрмін. Одан басқаға тұрмысқа шыққым келмейді. Қазақстанда келін боп қалудан қатты қорқамын. Құрметті, Сәуле апай! Сізден сұрайын дегенім мынау. Онымен қатынасқа барғанда оның жыныс мүшесінің мұсылмандар сияқты сүндеттелмегенін байқадым. Бізде ондай адамды кәпір демей ме, білуімше? Содан бері мені бір ой мазалайды. «Осы мен кәпір адаммен бірге болдым ба, сонда?” деген. Осының жауабын таппай миым дал болды. Сіз енді Алматыда көп оқымысты адаммен араласасыз. Солардан біліп жауабын жазып жіберіңізші” деп хат аяқталады”, – дейді ол.

Автор бұл хаттың өзін есеңгіретіп жібергенін жасырмайды. Оны тіпті бомбаға теңеді. Бұл мәселеге келгенде басқалардан қазақ жігіттерінің жеңіліп қалғанын іштей мойындап та қойған екен. Десе де, Қытай жігітінен ақ боз атты ханзада жасамайтынын ашып айтты. Оның бұл әрекетін физиологиялық мұқтаждығын өтеп жатыр деп болжады.

“Ауылдан келген аңқау қыз соған түсіп қалды делік. Тіпті қыздың хатты банальный сұрақпен аяқтауына да мән бермей қоя салайық. Бірақ соның өзінде біздің жұрттағы ер азаматты тәрбиелеп өсіретін зиялы мектептің жоқтығы көрініп тұрған жоқ па? “Ондай шіріген жұмыртқа бізге керек емес. Оларды елден аластау керек” демей тұра тұрыңыз. Әуелі шіріген жұмыртқаны анықтап алу керек. Бұлардың қайсысы шіріген жұмыртқа өзі? Үйленбестен еліне тайып тұрған қытай ма, жүрегін алдырып, қытайдың құшағына құлаған қазақ қызы ма, қыздай алған әйелін аяусыз тепкілеп үйінен бездірген біздің жігіт пе, әлде сол жабайы ұлды өсірген ата-ана ма? Егер әлеуметтік зерттеу жүргізсе, қазақ жігітіне тұрмысқа шығып, аяусыз тепкінің астында қалып, амалсыз бақытсыз ғұмыр кешіп жатқан қазақ қыздарын мыңдап тұрып санауға болады. Олар осы азаптан құтылу үшін кез келген елге келін боп кетуге дайын”, – дейді Санжар Мырза.

Мұнымен қатар, ол Қазақстанда ер мен әйелдің сауатын ашуға арналған оқулықтардың жоқ екенін тілге тиек етті. Бұл мәселеге келгенде Батыстың әлдеқайда алда келе жатқанын меңзеді.

“Кей кездері Батыста осы мәселеге орай тұрақты түрде шығып тұратын ғылыми еңбектерді көргенде ішім удай ашиды. Олар «Не істесе сүйіп қосылған екі адамның махаббаты ұзақ сақталады?» деген теманы зерттеуден бір шаршамайды ғой. Бір ғана Гэрри Чэпменнің “Махаббаттың бес тілі” атты еңбегі неге тұрады?! Аз жылда әлемнің 36 тіліне аударылып, миллиондап сатылып жатыр. Ресей оны дереу орыс тіліне аударды. Қазір ағылшын тіліне жетік қазақ жастары өте көп. Болашақпен АҚШ пен Англияға нешесі кетіп жатыр. Солар осы істі қолға алса ғой деп армандап кетем. Яғни ұлттың сапасын көтеретін еңбектерді аударуға немесе соларға қарап қазақшасын жасап алуға болады”, – дейді ол.

Осы орайда, автор жастарды шетелдің сапалы кітаптарын ана тілге аударуға шақырды. 1989 жылы әпкесімен болған бір оқиғаны мысалға келтірді. 15 жастағы бозбала болған шағында әпкесі одан орамжапырақ тұрауды өтініп сұраған екен. Сол кезде мұның тек әйелдерге тән жұмыс екенін айтып жалтарған-ды. Сонда әпкесі “Жастарың 15-тен асты, әліге дейін капуста турай алмайсыңдар. Ертең қатын алсаңдар он жылда күң қылатын шығарсыңдар? Қашан сендер әйелдің жұмысын бөлісуді үйренесіңдер?” деп ұрысқан екен.

Соңында Санжар мырза жазбасын өмірінен алынған мысалмен аяқтады. Әйелімен үй жұмысын қалай бөлісетінін айтты. “Кеше кешке келіншегім асүйдегі тау боп үйіліп жатқан ыдыс-аяқты көрсетті де “мыналарды фэйримен жуып бересің бе? Мен үлгере алмай жатырмын. Балалардың сабағын қарап, сосын мектепке киетін киімдерін үтіктеуім керек. Одан кейін үйді жинап алмасам шашылып кетті… Оның үстіне химия тисе қолымның терісі жарылып кетеді” деді. Мен сасқам жоқ. 50+50 дедім де бүкіл ыдысты 20 минутта шоколад қылып шайып бердім. Жарқырап, жайнап тұрған ыдысаяқты көрген кезде келіншегім маған қайтадан ғашық боп қалды. Осылайша 22 жастағы романтикаға қайта оралдық. Ал сендер болсаңдар асүйдегі ыдыс-аяқтан қашасыңдар, жігіттер! Қартайғанда романтика асүйден басталады…” – дейді ол.

Аталған жазбаға 400-ден астам лүпіл басылған. Жұрт жазбаның объективті жазылғанын тілге тиек етті. Жазбада келтірілген кітаптарды бір-біріне табуға көмектесіп жатты. Арасында автордың пікірімен келіспегендер де болды. “Қазақ жігіттерінің барлығына топырақ шашуға болмайды. Қытайдың жігіті өзінің арам ойларын іске асыру үшін өтірік асты-үстіне түскені айдан анық көрініп тұр. Егер ол қызды расымен сүйсе алып кетер еді. Қазақ жігіттеріне жиіркеніп қарайтын кейбір қазақ қыздары басқа елдің жігіттерімен жиіркенішті іс істеп жүр”, “Санжар, көптен бері ойлап жүрген мәселені дөп жазыпсың. Алла разы болсын! Біршама адам риза болдық. Бұл жазбаны оқығандар оқымағандарға айтып, тиражын көбейтсе, жақсы болар еді”, “Мен үйде ер балаларды қыздарға көмектесуге үйретіп отырамын. Мен картоп аршысам, олар пияз аршиды. Осылайша бірігіп әңгіме айтамыз” деп жазады желі қолданушылары.


Жіберіп алмаңыз:

Қазақстан мен қазақстандықтардан көңілі қалған туристер: 4 оқиға

Серік Абас-шах тоқалымен елді құтқармақ болған Қыдырәліні әжуалады

Қазақстандық әйел туған қыздарын зорлап келген күйеуі туралы айтты

“Генерал келін” енесін жаңа түскен абысынынан қызғанып жүр

Талқылау