Соңғы жаңалықтар
Соңғы жаңалықтар

Самсаны үйде қалай әзірлейміз?

Самса – Орта Азиядағы көп тараған тағамның бірі. Самасаны үй жағдайында қалай әзірлейміз?

39d1423533a8c430b24c94b07e9edeb7__1440x

Фотолар: © Венера Осепчук

Самсаның қамырын дайындау үшін әдетте ұнға су қосып қаттылап илейді. Самсаның қатпарлы және қатпарсыз түрі болады. Самсаны үй жағдайында пешке, тандырға пісіреді. Самса салмасына асқабақ, картоп қосуға болады. Самсаның ет пен пияз қосылған түрі көп тараған. Самсаны қой етінен дайындаса, дәмді шығады. Сиыр етінен де жасауға болады. Оған қара бұрыш, тұз, кинза, томат қосып жатады. Қатпарлы самса дайындау үшін қамырды жұқа етіп жаяды. Оған маргарин не май жағады. Сосын қамырды орап тоңазытқышқа салып қояды.

Өзбек шайханаларында самсамен бірге сірке суы қосылған су беріледі. Дәмдеуіш ретінде аскөкпен бірге томат соусы, сарымсақ пен қара бұрыш ұсынылады.

Самса пісіруге қажетті заттар: 850 гр ұн, 500 мл су, 2 шай қасық тұз, 400 гр май не маргарин

Самса ішіне: 600 гр жұмсақ сиыр еті, 200-300 гр құйрық ма не сиыр майы, 600 гр пияз, зира, тұз. қара бұрыш, 50 гр кинза. 2 жұмыртқа сарысы, қара не ақ құнжыт

Дайындалуы:

Үлкен ыдысқа ұн саламыз. Суға тұзды ерітіп алып, ұнға қосамыз. Қамыр қолдан тез бөлінетін әрі жұмсақ болуы тиіс. Қамырды пакетке салып 30 минут қойып қоямыз. Сосын қамырды екіге бөліп илеп, пакетке салып тағы 20-30 минут иін қандырамыз.

285ca4b1121340c656861831ae6b1200__980x

Қамырдың бірін алып жұқа етіп жаямыз.

20f2073f73d013017262766b2f51e348__980x

Жайған қамырға майдың жартысын жағып, төменнен бастап ораймыз. Сосын мұздатқышқа 30 минутқа салып қоямыз. (Қамырды бір күн бұрын осылай дайындап, тоңазытқышқа бір түнге салып қоюға болады) Қамырдың екіншісін де осылай жасаймыз.

Қамыр тоңазытқышта тұрған уақытта самсаның ішіне салатын салымын дайындап аламыз. Ет пен майды, пиязды ұсақтап турап, зира, қара бұрыш қосып араластырамыз. Соңында туралған аскөкті қосамыз.

71e51cb48b143a96c96d50c198229d61__980x

Мұздатқыштан қамырды алып он бөлікке бөлеміз. Кесілген бөлікті жоғарыға қаратыңыз. Оқтаумен ортасынан шетіне қарай жаямыз. Қамырдың шеті ортасынан қарағанда жұқа болуы тиіс. Қамыр жайғанда ұн сеппейміз. Үстелге жабысбас үшін май жағуға болады. Жайған қамырға салмасын салып, үш бұрышынан бекітеміз.

a68adc5957d0c563b6415e6cf4dc0a39__980x

Бекіткен жағына май жағып, төмен қаратып пешке салыңыз. Самса үстіне жұмыртқа сарысын жағып, ақ және қара құнжыт себіңіз. Екінші қамырды да осылай жасаймыз.

531edc6ef82a7b64a0fa63ce96b85253__980x

Пешті алдын ала 210 гр температурада қыздырып алу керек. Кейін 180 градусқа қойып, 10 минут пісіресіз.

Дайын болған самсаны 5 минут суытып, шаймен ұсынуыңызға болады.

Материал life.ru мәліметі бойынша дайындалды

Жіберіп алмаңыз:

Көк сорпа қалай әзірленеді: ең үздік 5 рецепт

Қазақтың мына ұлттық тағамы сіздің дәм сезу рецепторларыңызды “жарары” анық

Қазақ ұлттық асханасының ұмытылып бара жатқан 7 тағамы (фото)

Талқылау